Wednesday, March 12, 2014

INTER-AGENCY A TARABAY DAGITI FARMERS, AGTULTULOY

Cabugao, Ilocos Sur – Agtultuloy ti panangpakaammo dagiti maseknan nga Ahensia kas iti DA-RFO 1, OPAG-Ilocos Sur, BFAR Region 1, DA-ATI ken ti LGU-Ilocos Sur a maiturong iti LGU-Cabugao iti pannakaited ti programa ken serbisio para kadagiti mannalon ken mangngalap ti ili a Cabugao, Ilocos Sur.

Maibasar iti naurnong a pakaammo iti Opisina ti Municipal Agriculturist, da-lgu Cabugao ket  dagiti sumaganad a pakaseknan ti matamtaming iti matapogan ti bulan  ti Marso 2014:

1.Agatendarto ti Municipal HVCDP Coordinator Ester P. Aguimbag, AT iti maangay a 2-Day Conference/Planning Workshop nga isayangkat ti DA-RFO 1 idiay Palacio de Laoag, Laoag City inton Marso 20-21, 2014. Nagpakaammo manipud ken ni Ms. Paz L. Mones, Ph. D., Regional Technical Director for Operations.

2.Nagatendar ti Municipal Agriculturist Mrs. Zenaida S. Andrada ken ni Municipal Rice Program Coordinator Nereo S. Daproza, AT iti naangay nga Rice Assessment/Planning Workshop idi Marso 6-7, 2014 a naangay iti Nueva Segovia Consortium of Cooperatives, Caoayan, Ilocos Sur ken kasta met kadagiti pakaseknan ti Programs and Projects, Agri- Pinoy Rice Program 2014. Naggapu ti pakaammo ken ni Dr. Valentino C. Perdido, Ph. D., Regional Executive Director, DA-RFO 1.

3.Nagatendar da Mr. Bert Vicente ken ni Mr. Henry Saliganan iti Brgy. Pug-os iti “Specialized Training Course on Rainfed Lowland Rice Production for Local Farmer Technicians (LFTs) nga inesponsoran ti DA-Agricultural Training Institute (ATI)-RTC, Sta. Barbara, Pangasinan iti Batch 1 (Marso 10-14, 2014).

4.Mapasamak ti “Interactive Learning” dagiti mangngalap ti Barangay Dardarat inton Marso 14, 2014 babaen iti “Community-Based Multi-Species Hatchery and Lying-in Project-BFAR Tagudin, Ilocos Sur. Agbisita ti lima a katao (1 Representative ti BFAR ken uppat manipud iti Municipal Agriculture Office - LGU Tagudin) pakaaammo manipud ken ni Ms. Jocelyn V. Lavara-Lamadrid, Ph. D., Municipal Agriculture Officer-LGU Tagudin.

Dagitoy  a pakaigamuluan dagiti DA-LGU Personnel ken dagiti napili a mannalon ket maiyallawatto ti adalda  kadagiti kangrunaan a clientele nga isu dagiti mannalon ken mangngalap iti Cabugao, Ilocos Sur.

Dagitoy nga aksion ken inisiatiba ket gubuay ti nakammayet a pannakikoordinar ti LGU-Cabugao nga idauluan ni Mayor Edgardo “Ediboy” S. Cobangbang, Jr. kadagiti maseknan nga Ahensia a mangtartarabay ken makaited ti pagimbagan kadagiti mannalon/mangngalap iti ili a Cabugao, Ilocos Sur. # (Web In-Action)

No comments:

Post a Comment