4th CABUGAO MASS WEDDING, NAANGAY

Cabugao, Ilocos Sur – Naangay ti 4rth Mass Wedding Program ti LGU-Cabugao   iti SB-ABC Building idi Pebrero 24, 2015.

Iti panangrugi ti programa, immuna ti panagmartsa dagiti 27 a paris a nagkasar  a sinabet dagiti ninong ken ninangda  iti sango ti pasdek sa nagturongda iti uneg ti nadakamat a Building.  Naaramid ti Prayer babaen ken ni Miss Aida S. Cueto. Kalpasan ti pannakakanta ti Philippine National Anthem ken Cabugao Hymn, nangited ti Welcome Address ni  MSWD Officer Mrs. Lydia S. Gazmen  ket kinablaawanna dagiti 27 a paris nga agkallaysa. Nangibinglay ti napapateg a pammagbaga kadagiti nagkasar.

CLICK HERE TO VIEW MORE PHOTOS

Naisaganad ti Seremonia ti Kallaysa  ket  inannong  ni Mayor Edgardo “Ediboy” S. Cobangbang, Jr. iti Bileg ti Panagkallaysa kadagiti 27 a paris a mangawat ti Matrimonia ti Kasar.

Iti Mensahe ni Mayor Ediboy, kinablaawanna dagiti nagkasar ken agraman dagiti nanganak, sangaili ken  kabagian dagiti nagkasar ken iti amin a naitallaong iti nasao a seremonia. 

Imbatad ti Ama ti Ili a saan laeng a dagiti apagkallaysa ti nagasat ita nga aldaw ket uray met isuda a naaddaan ti parte ti biag dagiti agassawa iti panagmaymaysada ta isuda ti nangannong daytoy a mass wedding ceremony.

CLICK HERE TO VIEW MORE PHOTOS

Innayon ti Alkalde Munisipal a  di magatadan ti kuarta daytoy a  pormal a panaglantip ken panagmaymaysa ti pusoda dagiti agassawa ket umanay a pagrubuatan dagitoy a mainayon a   nakataltalna a pamilia ket dinto mapupuotan a madanon ti tiempo a maibilangda kadagiti nakaresresponsable a pamilia a mangbukel ti ili.

Pinagyamananna pay iti agtultuloy a panagtalekda iti Gobierno Munisipal. Innayon ti Alkalde Munisipal a mainayon dagiti nagkallaysa a  mangbangon iti naresponsable a Pamilia ken   umili ta iti Pamilia ti pangrugian ti natibker a  pundasion ti naurnos ken naprogreso nga ili ti Cabugao.

Nangipaay ti Mensahe  ni Ms. Urbana Romano, Provincial Statistics Authority Officer  ket inapresiarna ti daytoy a proyekto ti LGU-Cabugao babaen iti liderato ni Mayor Ediboy  kasta metten  iti episiente a panagtrabaho ti Municipal Civil Registrar Office nga idauluan ni Mrs. Charity S. Abara  ditoy nga ili.

CLICK HERE TO VIEW MORE PHOTOS

Innayon ti Opisial ti NSO (napagbalin a Philippine Statistics Authority) iti ipapan dagiti 27 a nagkasar iti Municipal Civil Registrar’s Office tapno surotenda dagiti pagannurotan iti “pannaka-legitimize” ti apeliedo nangruna iti annak ken kanayon a kalintegan a maited iti pamilia dagiti kakaskasar.

Nangipaay met ti Closing Remarks ni SBM Josefina S. Vallejo. Bininsana ti pateg ti pananggun-od ti matrimonia ti kasar ken iti pateg dagiti pribilehio nga it-ited ti Munisipio a libre a serbisio kadagiti saan pay a nagkasar.

Kabayatanna, naited dagiti sagut kadagiti nagkasar babaen iti panangyawat da Mayor Ediboy a binayabay da Mrs. Jerlie S. Cobangbang; SBM Vicky S, Serna; Ms. Romana Urbano; MSWD Officer Mrs. Lydia S. Gazmen ken ni SBM Josefina S. Vallejo.

Dadduma pay a naaramid iti panagleppas ti kasar ket dagiti sumaganad:

1.Ceremonial Cutting of Cake b abaen kada Mr. & Mrs. Tajardon.

2.Champagne Toast nga indauluan da Mr. & Mrs. Hilario Semilla.

3.Panangsango  iti naisagana a taraon kalpasan iti Thanksgiving Prayer nga in dauluan ni SBM Vicky S. Serna. Nagpaay nga Emcee ni SB Secretary Maxfel S., Suboc.   # (Web In-Action)

CLICK HERE TO VIEW MORE PHOTOS