Cabugao, Ilocos Sur – Maipamaysa ita ti pannakaisayangkat ti Rabies Vaccination/Livestock Vaccines kadagiti 33 a barangay ti Munisipalidad ti Cabugao babaen iti grupo ti DA-LGU nga irepresentaran ni Dr. Melvyn G. Castro, DVM, Municipal Livestock Coordinator.Nangrugi ti nasaknap a trabahoda iti bulan ti Pebrero 2015. Naiprograma a dua a barangay ti nakaeskediul a papanan dagiti pannakabagi ti DA-LGU iti inaldaw ken kasapulan a pasingkedanda nga sakbayna no adda umdas a bilang dagiti mab akunaan.
Sakbayna, naited iti LGU Cabugao dagiti kasapulan nga (Anti-Rabies/Livestock Vaccines) para iti Livestock manipud iti Provincial Veterinary Office, Vigan City iti panangidaulo ni Provincial Veterinarian Joey Warren A. Bragado, DVM kas paset ti Animal Care/Livestock Program ti Gobierno Probinsial nga idauluan ni Gov. Ryan Luis V. Singson.Idi Pebrero 26, 2015, napan manen innala ni Dr. Castro iti bilang ti 74 Vials a nayon ti pag-inyeksionda ti animal idiay Provincial Veterinatry Office, Heritage City of Vigan.
Dagitoy nga aksion ken inisiatiba ket resulta ti nakammayet a programa ti Livestock ti Gobierno Munisipal nga idauluan ni Mayor Edgardo “Ediboy” S. Cobangbang, Jr. ken iti Gobierno Probinsial nga idauluan ni Gov. Ryan Luis V. Singson tapno matulongan ti kasasaad dagiti mannalon/umili iti pannakaital-o ti kasasaad ti panagbiagda babaen iti mainayon a matgedanda iti panagpatanoran ti dinguen. # (Web In-Action)
No comments:
Post a Comment