Wednesday, February 25, 2015

PANNAKATAMING ITI KABAYBAYAN, AS-ASIKASUEN TI FISHERMEN ASSOCIOATION

Cabugao, Ilocos Sur – Babaen iti panagkammayet ti LGU-Cabugao ken ti Bumarangay ti Brgy.Pug-os, Cabugao, Ilocos Sur ket  maar-aramid ti regular a coastal clean-up iti shorelines ti nadakamat a barangay.

Segun ken ni MENRO Edgar S. Balangatan, AT, katinnulongda pay  ti Konseho ti Barangay dagiti kameng ti nadumaduma nga asosasion iti barangay  kangrunaan ti Pug-os Fishermen Association nga idauluan ni Mr. Alfonso Asunio ket adda naituding a kalawa ken eskediul  a daldalusan ti tunggal sektor ket iti laengen mangmonitor ti ar-aramiden ni Kapitan Arnold “Bambi”
 V. Yangat ken dagiti kakaduana nga Opisiales ti barangay.

Innayon ni Mr. Asunio a malaksid iti panagdaldalusda kadagiti rugit ket isamsamirada met nga asikasuen dagiti agtantan-ay a mulada a mangrove plants.

Insupusop pay ti FA President a kitkitaenda a kanayon iti pagsaysayaatan ti kabaybayanda a mangtultulong ti pagbiaganda babaen ti  panangprebentarda kadagiti ag-illegal fishing nangruna iti panagusaran ti dinamita.

Dagitoy nga aksion ken inisiatiba ket  agtultuloy a mangkomplementar iti programa ti LGU Cabugao iti kabaybayan a nagkammayetanda iti BFAR a mangsustener iti kinadalus ti shorelines a mangtulong iti nasalun-at a panagbiag dagiti lumugar ken iti natalinaay a panagdakkel dagiti lames ken mula iti baybay.  # (Web In-Action)

No comments:

Post a Comment