Wednesday, February 4, 2015

8TH KANNAWIDAN PARTUAT KEN PATANOR TRADE FAIR 2015, NAKIPASET TI LGU-CABUGAO

Cabugao, Ilocos Sur – Makipaspaset ti Gobierno Lokal ti ili a Cabugao, Ilocos Sur nga idauluan ni Mayor Edgardo “Ediboy” S. Cobangbang, Jr. iti pannakaangay/selebrasion  iti “ Ylocos Kannawidan   Festival Partuat ken Patanor Trade Fair”  a nangrugi idi Enero 30, 2015  ken  agpatingga inton Pebrero 15, 2015.

Kanaig daytoy, impalagip ni Mayor Ediboy dagiti maiyataday  a maisagana babaen kadagiti maseknan a Departamento ti Munisipio ken kangrunaan iti pannakipaset ti LGU Cabugao iti Trade Fair a pakaaramidan ti kabukbukodan a Booth-na  para iti “Best Dressed Booth Competition”  ken pakairamanan ti The Most Improved OTOP Award ti LGU ken iti The Most Innovative Product Award” para iti dadduma a makisali a mangkulminar kadaytoy nga aldaw a paset ti Piesta ti Gobierno Probinsial iti Ilocos Sur.

Daytoy a benneg ti pasalip ket tarawidwidan ti DTI-Ilocos Sur.

Kabayatanna, ti  Partuat and Patanor  Trade Fair ket maysa a pakabuklan iti maang-angay nga  8th Kannawidan Ylocos Festival 2015  iti Quirino Stadium, Bantay, Ilocos Sur iti nadakamat a petsa ket naimbitaran  ti amin nga LGU’s ti Probinsia ti Ilocos Sur a makipasetda  babaen  iti awis  ni  Governor Ryan Luis V. Singson.

Kabayatanna, inggannuat ti DA-LGU Cabugao nga idauluan ni Municipal Agriculturist Zenaida S.  Andrada iti pannakapataud/nagurnong  kadagiti dadduma a kangrunaan a maisagana a produkto-agrikultura ti ili a  maidispley iti Partuat ken Patanor Trade Fair Exhibit ken iti pannakasurot dagiti Terms and Conditions iti makisalip  nga LGU Exhibitor.

Maragsakan ni Mayor Ediboy a nangipeksa ken agraman dagiti umili ti Cabugao iti kankanayon a partisipasion ti LGU-Cabugao kadagiti programa a pakairamanan  dagiti LGU’s iti Gobierno Probinsial. # (Web In-Action)

No comments:

Post a Comment