Cabugao, Ilocos Sur –Naangay ti Pay-out (over the counter) kadagiti kameng ti Pantawid Pamilyang Pilipino Program (4 P’s) kadagiti 33 a barangay iti ili a Cabugao, Ilocos Sur idi Pebrero 17, 2015 iti Opisina ti 4 P’s, Municipal Operations Office (MOO)- LGU Cabugao, Cabugao, Ilocos Sur.
Dagiti immawat a 4 P’s ket addada iti masakupan ti dua a bulan (Nobiembre-Disiembre 2014) babaen iti Rural Bank of Gattaran, Inc., Cagayan Valley a daytoy ket partner ti programa ken ti DSWD-Region 1 iti pannakaited ti Cash Grant kadagiti Beneficiaries.
Segun ken ni Ms. Aida S. Cueto, Focal Person ti 4 P’s Municipal Link nga adda 220 nga immawat a 4 P’s a naggapu iti 33 a barangay ti ili.
Sakbay a naited kadakuada ti gatad, naulit ti panangited ti pammagbaga dagiti Staff a mangbukel ti Municipal Link-Cabugao kadagiti Recipients kadagiti pagrebbenganda iti panangusarda kadagitoy nga awatenda a gatad.
Inimatangan ni SBM Atty. Bryann Jett S. Pano, Committee Chair on Social Services iti nadakamat a pay-out ken inatendaran met ni Mayor Edgardo “Ediboy” S. Cobangbang, Jr. ket nakisarsarita kadagiti 4 P’s Beneficiaries ken dagiti pannakabagi ti DSWD Regional Office 1 ken ti Rural Bank of Gattaran, Inc. a nangited kadagiti kantidad para iti nadakamat nga awaten dagiti 4 P’s.
Dagitoy nga aksion ken inisiatiba ket maigapu iti nasaknap a pannakaipakat ti pro-poor program ken iti agtultuloy a pannakikammayet ti Gobierno Munisipal nga idauluan ni Mayor Edgardo “Ediboy” S. Cobangbang, Jr. kadagiti maseknan/tumulong nga Ahensia a kas iti DSWD a katulonganda a mangipatungpal kadaytoy a programa para kadagiti marigrigat a kaamaan ti kagimongan. # (Web In-Action)
No comments:
Post a Comment