Thursday, February 12, 2015

CORN FARMERS GRADUATION TI BRGY. NAGSANTAAN, NAANGAY

Cabugao, Ilocos Sur – Naangay ti Field Day and Graduation ti Season-Long Farmers Field School of Local Farmer Technician   on Sustainable Corn Production ti 25  a nagadal a mannalon (Farmer- Partners) iti Barangay Nagsantaan idi Pebrero 10, 2015 iti Barangay Auditorium, Barangay Nagsantaan, Cabugao, Ilocos Sur.

Daytoy a panagadal ket inesponsoran ti Dapartment of Agriculture-RFO 1, OPAG-Ilocos Sur, Agricultural Training Institute (DA-ATI)  ken iti LGU-Cabugao nga idauluan ni Mayor Edgardo “Ediboy” S. Cobangbang, Jr. ken impatungpal ti DA-LGU a tinarawidwidan da  Mr. Obas Bill Y. Baclig, AT,  Mr. Henry B. Saliganan ken ni Mr. Bert Vicente, agpada a Local Farmer Technician. 

Iti naangay a programa, indauluan ni Mr. Melchor A. Subega,  FFS Participant ti ababa a kararag. 

Pammasangbay a balikas ti inakem ni Mr. Marcelo S. Saupan ti Brgy. Nagsantaan. Pinagyamananna iti DA-RFO 1  ken ti LGU-Cabugao  ken kakaduana nga Ahensia kadaytoy a nagun-od dagiti mannalon a kalugaranda. Impeksa ni Mr. Saupan a kankanayon koma latta  a mairamanda kadagiti programa ti Agrikultura  iti LGU-Cabugao tapno maidur-as met ti kasasaad dagiti mannalon ditoy a lugar.

Acknowledgement of Guests/Participants ti inakem  ni Mr. Bert Vicente, LFT ken Presentation of PTD Result ti binagi  ni Mr. Julio S. Serna, FFS Participant.

Nangted  ti Impresssion da Brgy. Captain Mario C. Peralta ken ni  Mr. Melchor A. Subega.

Nangipaay ti Mensahe ni SBM Benedicto M. Savellano, Committee Chair on Agriculture, Fisheries and  Cooperatives.  Kimmablaaw ken nagyaman kadagiti nagturpos, opisiales ken lumugar ti Barangay Nagsantaan. Dinakamatna ti pateg ti panangabrasa  dagiti mannalon iti agtultuloy a panagbaliw/pannakaipakat  ti baro a  Teknolohia iti panagmula ti mais. Insingasingna a maipatungpal koma met iti kakastoy a proyekto kadagiti dadduma a barangay iti panagmulaan ti mais tapno napardas ti panagdur-as  dagiti mannalon  iti Munisipalidad ti Cabugao.

Nangipaay met ni Mr. Marcelino A. Alibin, Provincial ESETS Coordinator ti mensahe a nangisaupanna ken ni Assistant Provincial Agriculturist Constante  B. Botacion, Jr. ti OPAG-Ilocos Sur.

Impresentar ni Mr. Henry B. Saliganan, LFT, dagiti FFS Officers.

Ni Mayor Edgardo “Ediboy” S. Cobangbang, Jr.  ti  namagsapata kadagiti opisiales ti FFS-Corn   ken binigbigna iti pannakaakseptarda a naggraduar iti nasao a kurso dagiti 25  a mannalon.

Naisaganad ti Intermission Number dagiti FFS Participants.

Nangipaay met ti Mensahe ni Ms. Marilou T. Cabalteja, Regional Rice Area Coordinator ken insaupna ni DA Regional Executive Director Valentin C. Perdido, Ph. D. iti DA-RFO 1.

Presentation of Graduates ni Ms. Katrine Joy P. Tapuro, Municipal Corn Coordinator.

Nangipaay ti Mensahe ni Mayor Ediboy. Kimmablaaw ken nagyaman ti Ama ti Ili  iti naipakita a kabaelan dagiti nagpartisipar kadaytoy a programa ti panagpatanoran ti mais.

Bininsa ti Alkalde Munisipal ti pateg iti  nagun-odda nga adal ken ket aramiden met ti Munisipio ken iti DA-RFO 1 iti agtultuloy a pannarabayda ken mangkomplementar kadagiti pagdur-asan ti programa iti agrikultura a mangnayon pay iti matgedan dagiti mannalon.

Simmaruno ti Distribution of Certificates kadagiti FFS Participants. 

Nagatendar met da Vice Mayor DJ Savellano ken ni SBM Danny Q. Gazmen agraman  dagiti Agricultural Technologists (AT’s)  ti DA-LGU Cabugao. Kasta pay  dagiti nagbuya a lumugar, sangaili  ken Opisiales  ti Barangay Nagsantaan. 

Sinerraan ni Municipal Agriculturist Zenaida S. Andrada ti programa. Nagyaman iti sapasap a nakipagtaming iti panagballigi daytoy a programa ti Munisipio kadagiti mannalon. 

Nagpaay nga Emcee da Mr. Nereo S. Daproza, AT ken ni Ms. Joenah G. Sevilleja, AT. # (Web In-Action)

No comments:

Post a Comment