Cabugao, Ilocos Sur – Segun ken ni Mr. Obas Bill Y. Baclig, Agriculture Technologist ti LGU-Cabugao ken Facilitator iti lepleppas a programa ti Corn Production a napauluan iti “Season-Long Farmers Field School of Local Farmer Technician on Sustainable Corn Production” nga inesponsoran ti DA-RFO 1, San Fernando City, La Union, Agriculture Training Institute (ATI), OPAG-Ilocos Sur ken ti LGU-Cabugao.
Innayon ni Mr. Baclig a naimula idi Disiembre 2, 2014 iti bukel ti nasao a White Green Corn iti kalawa a 5,000 Metro-Kuadrado (Media-Ektaria) a nagpaay a “Learning Field”
dagiti 25 a Farmer-Partners idiay Barangay Nagsantaan, Cabugao, Ilocos Sur.
Kalpasan ti pitopulo nga aldaw manipud iti pannakaimulana, nagresulta ti pannakaapitda iti 55,555 a kagumi (maysa a bunga) ti puraw a mais iti naproduktoda. Nalako iti P3 ti tunggal bunga ket nagkair nga P166,665 ti napaglakuan ti amin.
Kalpasan a maikkat ti gastos ket naka-netoda iti P130,847 itoy a gudua ti ektaria a namulaan ti mais. Naapit ti naimula a mais idi Pebrero 10, 2015. # (Web In-Action)
No comments:
Post a Comment