Cabugao, Ilocos Sur – Nagatendar ni Dr. Melvyn G. Castro, DVM, Municipal Livestock Coordinator ti LGU-Cabugao iti naaramid a Livestock Inspectors Meeting idiay Heritage City of Vigan idi Enero 21, 2015 babaen iti pakaammo ni Dr. Joey Warren A, Bragado, DVM, Provincial Veterinarian.
Kabayatanna, nangaramid a dagus ti aksion ti Municipal Livestock Office – DA LGU Cabugao babaen iti mailungalong a pannakaangay ti Anti-Rabies Campaign (injection ti anti-rabies kadagiti household pets a kas iti aso ken pusa) ket mayeskediul iti tunggal barangay a nangrugi idi agtapos ti Enero 2015.
Kadua ni Dr. Castro ni Mr. Nathaniel Galamgam, AT, a nageskediol iti panagbakuna iti uppat a barangay iti Poblasion. Kalkalpasda a nagbakuna kadagiti dinguen iti Barangay Rizal idi Pebrero 13, 2015.
Nupay kasta, simmangpet ti pakaammo manipud iti Opisina ni Governor Ryan Luis V. Singson a mapan manen a m aala dagiti maited a Rabies Vaccines, Dewormers ken Veterinary Drug inton Pebrero 26, 2015 idiay Heritage City of Vigan para iti “Rabies Awareness Month iti bulan ti Marso 2015.
Dagitoy nga aksion ken inisiatiba ket resulta iti napintas ken agtultuloy a panagkammayet ti LGU-Cabugao ken iti Gobierno Probinsial babaen iti Provincial Veterinary Office tapno in-inut a maprebentaran iti panagadu ti rabies. # (Web In-Action)
No comments:
Post a Comment