MAISAYANGKAT iti Gabriela Silang General Hospital ti surgical mission inton Pebrero 7-10 daytoy a tawen, daytoy ti impakaammo ni Bokal Jerry Singson.
Kanaig daytoy, inyunay-unay ni Singson ti panagpatsek-ap nga umuna dagiti marikriknada a kasapulan ti operasion iti Gabriela Silang General Hospital wenno mapanda iti opisina ti bokal tapno maituding ti aldaw a panagpatsek-apda.
Segun ken ni Singson, libre ti maipaay a surgical mission babaen ti Philippine Doctors of America ken iti pannakikammayet ti gobierno probinsial ti Ilocos Sur.
Mabalin nga agpaopera ditoy dagiti addaan bato iti gall bladder ken kidney, ken dadduma pay a pakasapulan iti operasion, kinuna ni Singson.
Innayon ni Singson nga addanto pay plastic surgeon a mangoperar kadagiti gusing wenno ngongo.# Adapted News, TAWIDNEWS
No comments:
Post a Comment