Cabugao, Ilocos Sur – Naangay ti Siglat Awarding Program kas paset iti 8TH KANNAWIDAN YLOCOS FESTIVAL idi malem ti Pebrero 4, 2015 iti Quirino Stadium, Bantay, Ilocos Sur a nagpartisiparan dagiti Barangay ken LGU Winners iti nadumaduma nga ili ti Probinsia ti Ilocos Sur a nakipaset iti Siglat Awards 2014 a nagdalan iti naiget nga On-Site Validation ti tunggal Entry sakbayna.
Napauluan ti aktibidad iti dayta nga aldaw iti “Pammadayaw ken Panangbigbig kadagiti Nasisiglat a Barangay ken LGU.”
Iti naangay a programa, impaay ti PGIS Chorale ti Doxology, Pambansang Awit kasta met iti Ilocos Sur Hymn.
Nagun-od ti ili a Cabugao iti Umuna a Puesto (Over-all Champion) iti kategoria iti tunggal ili.
Sakbay ti Awarding Ceremony, nangipaay ti Mensahe da Governor Ryan Luis V. Singson, Vice Governor Deogracias Victor B. Savellano ken ni Congressman Ronald V. Singson.
Nag-Welcome Remarks ni SP Member Edgar I. Yabes.
Iti Mensahe ni Governor Ryan, kimmablaaw kren nagyaman kadagiti Opisiales ti barangay ken ili ken kakaduana iti Gobierno Probinsial. Bininsana ti pateg iti panangpadayaw kadagiti gapuanan ti barangay ken ili kas inspirasionna met nga agserbi gapu ta it-itedda iti napudno a panagserbida iti masakupanda ket malag-ananda met iti panangipatungpalda para iti agtultuloy a panagprogreso ti Probinsia.
Nangted met ti pangparegget a b alikas ni Vice Gov. DV Savellano. B inigbigna dagiti nangabak a barangay ken ili nga ar-aramidenda ti obligasionda ket umad-adu iti agpartisipar gapu ta kualipikadoda amin a barangay a makipaset kadaytoy a pasalip. Mangnamnama ti Vice Governor a mapapigsa pay ti documentation iti sumaruno a pasalip para kadagiti best practices a maar-aramid kadagiti amin a lugar iti Probinsia.
Kimmablaaw ken nagyaman met ni Diputado Ronald V. Singson. Imbatadna a ti progreso ti barangay, progreso ti ili ken ti probinsia isu a rebbengna a mapadayawan dagiti nagballigi. Inn ayonna nga adayon ti nadanon daytoy a pasalip ket maipagpannakelna daytoy a nagapuanan ti probinsia kadagiti kakaduana iti Kongreso.
Nagpaay a Guest Speaker ni Hon. Federico Bitonio, OIC, DILG Provincial Office babaen iti panangyam-ammo ni Ms. Cherry Pestano manipud iti Siglat Evaluation Team 2014. Imbatad ni DILG Officer Bitonio a ti Kannawidan Ylocos Festival ken iti Siglat Awards ket epektibo a ramit iti panagdur-as ken pakakitaan iti manangikalikagum a lideres a mangiparanud iti agtultuloy a panagrang-ay ti sapasap a Probinsia ti Ilocos Sur.
Naisaganad ti pannakaited ti premio ken gunggona dagiti nangabak iti Siglat Awards babaen kada Gov. Ryan Luis V. Singson, Vice Gov. DV Savellano ken ni Diputado Ronald V. Singson a binayabay dagiti kameng ti Hunta Probinsial ken DILG.
Immuna a naited ti pammadayaw kadagiti nagballigi iti Individual Awards, sa Minor Award ken naisaruno ti Major Award ken pannakaited ti Certificates kadagiti Runners-up.
Naisaganad ti Response manipud kadagiti Awardee.
Naisaganad ti Conferment of “Kasiglatan” Municipality Award iti ili a Cabugao, Ilocos Sur.
Iti Testimony from the Kasiglatan Municipality, kimmablaaw ken pinagyamanan ni Mayor Edgardo “Ediboy” S. Cobangbang, Jr. iti pannakagun-od manen ti ili a Cabugao iti Umuna a Puesto iti Siglat Awards 2014. Binigbigna ti agtultuloy a kooperasion dagiti kailianna kadagiti barangay a manggun-od ti balligi ken iti agtultuloy a suporta ti Provincial Government nga idauluan da Gov. Ryan Luis V. Singson ken ni Vice Governor DV Savellano kasta metten ken ni Diputado Ronald V. Singson ti Umuna a Distrito ti Probinsia a panangpadayaw kadagiti gapuanan ti barangay ken LGU iti Ilocos Sur.
Kalpasan ti pannakaited ti Plake, Certificate of Appreciation kadagiti Siglat Partner Agencies ken kadagiti kameng ti Evaluation Team kasta metten dagiti Win ners ti RDC Search for Cleanest Greenest and Safest Municipality and Cleanest inland body of water, naserraan ti programa babaen iti panagsarita ni SP Member Mario Subagan ket impeksana ti panagyaman ti sibubukel a Gobierno Probinsial iti amin a nakipaset ken nagpartisipar iti 8th Kannawidan Ylocos Festival 2015 ken iti naballigi a nagresultaan daytoy a pasalip ti Siglat Awards 2014.
Iti Entries a pakabuklan ti 43 a Barangay ti ili a Cabugao, 23 ti nangyalat iti Kampeonato iti kategoria a nakisalipanda, pito iti 1st Runner-up; walo iti 2nd Runner-up ken tallo a Consolation Prizes.
Nagun-od ti ili a Cabugao ti Umuna a Puesto iti Over-all a “Kasiglatan nga LGU ti 2014”. Daytoy ti maikatlo a daras a pinangabakna iti Over-all Champion manipud kadagiti Tawen 2012, 2013 ken iti 2014.
Dagiti nakabuklan ti Entries ken nagun-od a pammadayaw ti ili a Cabugao, Ilocos Sur:
CHAMPION
Most Healthy Barangay – Brgy. Carusipan
Best in Solid Waste Management – Brgy. Bonifacio
Best in Coastal Resource Management – Brgy. Dardarat
Best in Agricultural Productivity – Brgy. Turod Patac
Best in Fish Production & Aqua-Culture Development – Brgy. Dardarat
Outstanding Sangguniang Barangay – Brgy. Pug-os
Outstanding Punong Barangay – Brgy. Pug-os
Best in Barangay Tree Park – Brgy. Lipit
Best in Gender and Development - Brgy. Pug-os
Best in Fish Production & Aqua Culture Development – Brgy. Dardarat
Outstanding Barangay Based Cooperative – Brgy. Sagayaden
Outstanding Farmers Association – Brgy. Bungro
Most Outstanding Bantay Dagat – Brgy. Dardarat
Outstanding 4-H Club – Brgy. Bonifacio
Outstanding Lupong Tagapamayapa – Brgy. Pug-os
Best in Youth Development Program - Brgy. Bonifacio
Outstanding Barangay Secretary – Brgy. Pug-os
Most Functional BADAC – Brgy. Aragan
Best in PWD Program Implementation – Brgy. Daclapan
Best in Barangay Intensive Gardening – Brgy. Pug-os
Best in Tourism Promotion – Brgy. Sabang
Most Child Friendly Barangay – Brgy. Bonifacio
Best in Livestock Production – Brgy. Baclig
IST RUNNER-UP
Best in Nutrition Program – Brgy. Pug-os
Best in Barangay Herbary – Brgy. Pug-os
Outstanding Barangay Tanod – Brgy. Turod
Best in Sports and Physical Development – Brgy. Bonifacio
Outstanding Fishermen Association- Brgy. Namruangan
Outstanding BHW – Brgy. Carusipan
Best Performing Barangay – Brgy. Dardarat
2ND RUNNER-UP
Safest and Most Peaceful Barangay – Brgy. Nagsantaan
Most Functional BDRRMC- Brgy. Pug-os
Most Functional Botikang Barangay-Brgy. Carusipan
Best in Elderly Welfare Program-Brgy. Bonifacio
Outstanding BNS – Brgy. Cacadiran
Outstanding RIC-Brgy. Nagsantaan
Outstanding Barangay Based Micro MSE-Brgy. Cuancabal
Best in Culture and Arts-Brgy. Cacadiran
CONSOLATION PRIZES
Cleanest and Greenest Barangay –Brgy. Quezon
Best Day Care Center-Bry. Salomague
Oustanding DCW-Brgy. Salomague. # (Web In-Action)
No comments:
Post a Comment