Monday, February 9, 2015

SIGLAT AWARDEES, PINADAYAWAN MET TI MUNISIPIO IDA

Cabugao, Ilocos Sur – Kalpasan ti Awarding Program  iti 2014 Siglat Awards iti Provincial Government, naaramid ti pannakapadayaw dagiti Barangay Siglat Awardees iti ili a Cabugao, Ilocos Sur kalpasan ti Flag Raising Ceremony iti Pebrero 9, 2015 iti imatang ti Pamilia-LGU nga idauluan ni Mayor Edgardo “Ediboy” S. Cobangbang, Jr.


Kalpasan ti pannakaiparang ti tunggal Barangay/Awardee a nakaitedan ti Premio ken Plakeda, nangipaay ti Mensahe ni Mayor Ediboy a nangbigbiganna kadagiti barangay a nagpartisipar iti nasao a pasalip a nakaigapuan met a nakagun-odan  a  “Kasiglatan nga LGU”  ti ili a Cabugao iti intero a Probinsia ti Ilocos Sur iti kapamitlo a daras.

Innayon ti Alkalde Munisipal a maipaay a kabukbukodan ti tunggal Winner ti inabakda a premio ken maiserbi met ti inabak ti LGU Cabugao para iti pannakamantener ti partisipasion dagiti barangay para iti sumaruno a Siglat Awards. Mangnamnama ti Ama ti Ili iti ad-adu a bilang dagiti indibidual ken barangay a makipartisipar iti sumaruno a pasalip iti Provincial Government.




Innayon ni Mayor Ediboy a n akagasgasat ti ili a Cabugao ta inawidna manen ti kasiglatan a munisipio iti probinsia a  pakairanudan met dagiti umili iti kaadu ti trophies ken certifications nga inyawid dagiti nakisalip a b arangay/individual.
    
Insupusop ti Ama ti Ili a di pulos magatadan iti aniaman iti nagun-od ti ili a pammadayaw ket lumag-an ti trabaho dagiti barbarangay ken iti munisipio kadaytoy a pannakaipakita iti kabaelanda a mangaramid  kadagiti pagrebbenganda.

Pinagyamanan pay ti Ama ti Ili dagiti ahensia ti gobierno ken departamento ti LGU a timmulong kadagiti barangay ket makatawen manen a kukua ti ili ti Cabugao daytoy a kangatuan a pammadayaw ti Siglat Awards ken napateg a “distinction” ti ili iti maikatlo a daras a panangabakna.

Kadagiti nangabak a dati a makisalsalip, mangnamnama ni Mayor Ediboy a masustener latta dagitoy a nagun-odda kadagiti sumarsaruno a pasalip ket para kadagiti agdadamo a nakisalip ken nangabak ket inspirasionda koma daytoy a mangituloy iti makisalip. 

Saggaysa a naiyawag ken n agpasango dagiti indibidual ken grupo kadagiti awardees manipud iti Individual, Minor ken Major Awards ket nakikaysa iti Gobierno  Munisipal nga idauluan  ni Mayor Ediboy kadagiti Awardees ken b inayabay dagiti kameng ti Konseho Munisipal nga idauluan ni Vice Mayor DJ Savellano ken ken b abaenna  nga isuda SBM Danny Q. Gazmen;  SBM Dr. Jemaima S. Tan-Yee, SBM Vicky S. Serna; SBM Josefina S. Vallejo; SBM Jayhan Alcid-Tan; SBM Benedicto M. Savellano ken ni SBM Atty.  Bryan Jett S. Pano. # (Web In-Action)
 

No comments:

Post a Comment