Cabugao, Ilocos Sur - Bukbuklen ti Barangay Namruangan dagiti Purok ti Cacarsan, Caloy ken Daclapan Norte ket iti panagkalap ti kangrunaan a pagbiagan dagiti lumugar nga idadauluan ni Brgy. Captain Robertson ”Bongbong” R. Gorospe.
Kadagiti proyekto nga it-ited ti BFAR Region 1, ti nadakamat a barangay iti maysa kadagiti Coastal Barangay a makasagsagrap kadagiti Payao Project nga inlungalong ti LGU-Cabugao a kiddawen. Aktibo dagiti asosasion ken dadduma pay a sektor iti las-ud ti barangay a katintinnulong ti Konseho a mangpasayaat ti kasasaad dagiti lumugar.
Dandani sementado ti amin a kalsada ti barangay ken naipatakderan pay iti napintas a covered court and multipurpose building babaen iti panangited ti Provincial Government nga idauluan ni Governor Ryan Luis V. Singson.
Nagaget dagiti lumugar ken agtultuloy ti kinatalna a barangay iti Namruangan.
Dagiti pammadayaw a nagun-od ti barangay kadagiti kallabes a pannakisalipna iti Siglat Awards ket dagiti sumaganad:
SIGLAT AWARDS 2014
1st Runner-up
Outstanding Fishermen Association
SIGLAT AWARDS 2013
Champion
Outstanding Fishermen Association
SIGLAT AWARDS 2012
1st Runner-up
Outstanding Fishermen Association. # (Web In-Action)
No comments:
Post a Comment