Cabugao, Ilocos Sur – Kalpasan ti Flag Ceremony iti Pamilia LGU-Cabugao iti Pebrero 2, 2015 iti sango ti Municipal Hall, imbasa ni Miss Mimi S. Sison, Human Resource Management Officer ti linaon ti Certificate a nagun-od manen ti Local Government Unit (LGU) Cabugao iti “2014 Seal of Child – Friendly Local Governance” manipud iti Council for the Welfare of Children, Department of Social Welfare and Development ken iti Department of the Interior and Local Government (DILG).
Nagun-od ti LGU-Cabugao maigapu iti “commitment in promoting child rights to survival, development, protection and participation towards a Child-Friendly Philippines: A Caring and Protective Society For, By and With the Children.
Naited daytoy a pammadayaw idiay Quezon City babaen iti panangidaulo dagiti pangulo ti Ahensia a da DSWD Secretary Corazon Juliano Soliman, Chairperson, Council for the Welfare of Children ken ni Honorable Mar A. Roxas, DILG Secretary.
Inawat ni Mayor Edgardo “Ediboy” S. Cobangbang, Jr. ti nasao a Certificate ti Pammadayaw iti imatang ti Pamilia-LGU kalpasan ti Flag Ceremony ken binayabay da MLG Officer Constancia L. Quinola; SBM Josefina S. Vallejo ken ni SBM Dr. Jemaima S. Tan-Yee.
Iti panagsarita ni Mayor Ediboy, kimmablaaw ken pinagyamananna daytoy a naited a pammadayaw iti LGU-Cabugao. Innayonna a daytoy a nagun-od ket kolektibo ti nakaigapuananna ket maipaay ken agserbi a dayaw ti ili ken iti kaaduan iti nasao a gapuanan.
Pinadayawan pay ni Mayor Ediboy dagiti nagapuanan ti Licensing Section ti Munisipio iti kalkalpas a panagpalisensiada kadagiti addaan ti negosio iti ili iti Tawen 2015. Innayon ti Ama ti ili a daytoy a gapuanan ket bunga iti panagan-anus dagiti nagserbi iti nadakamat a trabaho ken kolektibo manen a pakaidayawan ti amin.
Insupusop ti Alkalde Munisipal a kasapulan latta a makomplementaran iti napintas a serbisio dagitoy a pagrebbengan tapno agtultuloy a maragpat dagiti nasasayaat ken napintas a pagbanaganna a mangitunda iti pagsayaatan ti sapasap. # (Web In-Action)
Nagun-od ti LGU-Cabugao maigapu iti “commitment in promoting child rights to survival, development, protection and participation towards a Child-Friendly Philippines: A Caring and Protective Society For, By and With the Children.
Naited daytoy a pammadayaw idiay Quezon City babaen iti panangidaulo dagiti pangulo ti Ahensia a da DSWD Secretary Corazon Juliano Soliman, Chairperson, Council for the Welfare of Children ken ni Honorable Mar A. Roxas, DILG Secretary.
Inawat ni Mayor Edgardo “Ediboy” S. Cobangbang, Jr. ti nasao a Certificate ti Pammadayaw iti imatang ti Pamilia-LGU kalpasan ti Flag Ceremony ken binayabay da MLG Officer Constancia L. Quinola; SBM Josefina S. Vallejo ken ni SBM Dr. Jemaima S. Tan-Yee.
Iti panagsarita ni Mayor Ediboy, kimmablaaw ken pinagyamananna daytoy a naited a pammadayaw iti LGU-Cabugao. Innayonna a daytoy a nagun-od ket kolektibo ti nakaigapuananna ket maipaay ken agserbi a dayaw ti ili ken iti kaaduan iti nasao a gapuanan.
Pinadayawan pay ni Mayor Ediboy dagiti nagapuanan ti Licensing Section ti Munisipio iti kalkalpas a panagpalisensiada kadagiti addaan ti negosio iti ili iti Tawen 2015. Innayon ti Ama ti ili a daytoy a gapuanan ket bunga iti panagan-anus dagiti nagserbi iti nadakamat a trabaho ken kolektibo manen a pakaidayawan ti amin.
Insupusop ti Alkalde Munisipal a kasapulan latta a makomplementaran iti napintas a serbisio dagitoy a pagrebbengan tapno agtultuloy a maragpat dagiti nasasayaat ken napintas a pagbanaganna a mangitunda iti pagsayaatan ti sapasap. # (Web In-Action)
No comments:
Post a Comment