Cabugao, Ilocos Sur –Agtultuloy ti pannakaaramid ti Family Development Session (FDS) iti Pantawid Pamilyang Pilipino Program (4 P’s) kadagiti 33 a Barangay ti ili a Cabugao, Ilocos Sur iti Tawen 2015 partikular ita a bulan ti Pebrero.
Daytoy ket isaysayangkat ti Municipal Operations Office ti 4 P’s-MSWDO Cabugao a buklen ti Team A ken Team B nga idauluan da Ms. Jessie Ann O. Tabut ken ni Ms. Rosemarie C. Pespes kas panagsaganadda ken babaen iti panangtarabay ni MSWD Officer Mrs. Lydia S. Gazmen.
Ti kaipapanan ti Tema ket mailektiur kadagiti 4 P’s iti panagrugi ti FDS iti Pebrero 2015 a daytoy iti: “Family Planning”.
Umabot ti dua agingga iti tallo a Barangay ti maileppasda a pagmitingan iti tunggal aldaw. Kinuna ni Miss Aida S. Cueto, Municipal Focal Person ti 4 P’s.
Innayon ni Miss Cueto a maang-angay pay iti re-validation iti ikub ti tunggal pamilia para iti mainayon a mabenepisiaran ti 4 P’s.
Daytoy a pro-poor program ti LGU-Cabugao ken ti DSWD ket agtultuloy a maipatungpal kadagiti kualipikado a Benepisiario iti 33 a Barangay ti ili a Cabugao, Ilocos Sur. # (Web In-Action)
No comments:
Post a Comment