Monday, October 8, 2012

2012 SCOUTING MONTH CELEBRATION, NAILUNSAD DITOY CABUGAO

Cabugao, Ilocos Sur – Nailunsad ti 2012 Scouting Month Celebration iti Cabugao District iti Cabugao Cultural and Sports Complex, Brgy. Rizal, Cabugao, Ilocos Sur idi Oktubre 7, 2012 a nagpartisiparan dagiti opisiales ti Boy Scouts ken kameng ti  Kiddie Scout, Cub Scout ken Boy Scout  ken inimatangan dagiti nagannak,   dadduma pay a mangisursuro ken Opisial   a sangaili.

Immuna a naangay ti BSP Holy Mass iti St. Mark the Evangelist Parish Church iti 6:30 A.M. sa naisaruno ti programa iti Complex.

Inannong ni Troop Leader Marlyn Aquino, Turod E/S ken Pambansang Awit ni TL Remedios Sevilleja ti Dardarat E/S. Panunumpa sa Watawat ni Scout Crispolo Anton Ornos ti Dardarat E/S ken Re-dedication of Scout  Oath and Law  ni Kawan Jude Marcel Raciles ti Turod E/S.  Batas ng Kab Scout ni Kawan  Mark John Dale Valle ti Namruangan E/S, ken Kab Scout Slogan ni Kawan Everson Sesuca ti Salomague E/S.


Binagi nga imbalikas ni Mr. Gilbert Asuncion ti Sagayaden E/S ti BSP Mission and Vision. 

Words of Welcome ni Mrs. Helen V. Siruno, District Commissioner. Imbinsana dagiti pammilin  ti DepEd iti pakaseknan ti implementasion ti Scouting, ti akem dagiti mangisursuro, ken ti Tema ti selebrasion ita a tawen 2012. Kinomendaranna met ti napintas a partisipasion ti Scouts ti Cabugao District kadagiti amin a mayusuat nga aktibidades-da.


Naisaganad ti Yell and Presentation ti UCCP babaen ti panangiturong ni Kawan Leader Luzviminda Soto. Naiballaet met ti parte dagiti Zones:  iti  Zone II babaen ken ni KL Mercy Fagaragan, Daclapan E/S, KL Glenda Zamora ti  Zone III,  Sagayaden E/S,  TL Mayflor Sumoba ti Zone IV ti Sisim E/S, ken TL Cheryll C. Sonico ti Zone  1, Reppa-ac E/S.

Nagsarita met ni Ilocos Sur Council OIC Executive Gil P. Savellano, Ed., D. ket pinadayawanna  dagiti Scouts  ti Cabugao  a naaktibo a makiparpartisipar iti aktibidades ti BSP uray iti Provincial Level. Kasta met nga impadamagna ti revitalization ti BSP iti intero a pagilian.


Nagmensahe   ni SB Member Vicky S. Serna, Committee Chair on Education ket trinatarna ti Leadership is Patriotism in Action. Dinakamatna a nagbalinen  ti scouting  a kanayon  ti pamilia dagiti agad-adal ken lider-da. Innayonna a ti scout ket tumulong a makipagbangon ti agtultuloy  a   napintas a kagimongan a pakaitanduduan ti edukasion ti sapasap.

Closing Remarks ti inakem  ni Atty. Rex Augustus S. Morales, Chairman, Municipal Scouting Committee. Maysa a kangrunaan a  responsibilidad ti Scout a dinakamatna ti agtultuloy a pannakigamuloda  kadagiti pakaseknan ti pannakasalaknib ti environment.


Binagi met ni IR Rudolf Anthony Talusig, WBH, Catucdaan E/S ti Scout Benediction.

Ti BSP Ilocos Sur Council ket idauluan ni Vice Gov. Deogracias Victor B. Savellano kasta met nga  Honorary Chairman ni Mayor Edgardo S. Cobangbang, Jr. iti  Municipal Scouting Committee.  # (Web In-Action)  


No comments:

Post a Comment