Cabugao, Ilocos Sur – Paset ti pannakamonitor ti implementasion ti Environmental Protection, Solid Waste Management, Clean and Green, Reforestation ken Pollution Control ti LGU Cabugao iti pannakaiparang ti Accomplishment Report a kakuyog ti Clearance a pirmaan ti Municipal Mayor ken ti MENRO.Daytoy a pammilin ket inrekomenda ni Mayor Edgardo “Ediboy” S. Cobangbang, Jr. iti MENRO Office para iti amin a barangay iti Munisipalidad ti Cabugao.
Imbatad ni MENRO-Designate Edgar S. Balangatan a nagepekto a dagus daytoy a pammilin ket natallugod a nagtungpal dagiti Barangay Officials a maseknan itoy agsipud ta para met laeng iti pagsayaatan ti sapasap ti pannakaipaganetget dagitoy a programa. # (Web In-Action)
No comments:
Post a Comment