Wednesday, October 24, 2012

CHILDREN’S MONTH CELEBRATION, NAANGAY

Cabugao, Ilocos Sur – Naaramid ti Municipal Children’s  Month Celebration a nagpartisiparan dagiti ubbing a Day Care iti nadumaduma a barangay ti ili a Cabugao a kinadua   dagiti nagannak, mangisursuro ken Opisiales ti LGU iti Oktubre 24, 2012 iti Cabugao Cultural and Sports Complex, Brgy. Rizal, Cabugao, Ilocos Sur.

Naluktan ti programa baben ti Opening Prayer ni Ms. Liza Somera, Sabang Day Care Worker, Opening Remarks met ken ni Mrs. Elizabeth de la Cruz ken nagsarita  ni SB Member Dr. Jemaima Soller Tan-Yee maipapan iti Tema ti selebrasion: “Bright Child ay Siguraduhin,  Responsableng Pamamahayag ay Palaganapin”.


Kimmablaaw ken nagyaman ni Mayor Edgardo “Ediboy” S. Cobangbang, Jr. kadagiti amin a timmabuno iti programa.  Dinakamat ti Alkalde Munisipal ti pateg ti pannakamuli dagiti ubbing babaen iti kakastoy nga aktibidad tapno maidur-as ti kabaelanda iti panagdakkelda para iti masakbayan.

Inyam-ammo ni Mr. Rudy Ilar dagiti Hurado iti pakontes nga isuda: Draw and Tell, Mrs. Jerlie Cobangbang, Mrs. Janet Sison, ken Mr. Maxfel Suboc. Ni  Mrs. Erlinda Guerrero ti Singing Category  idinto ta da Mrs. Eufrocina Pante ken Mrs. Dinia Azcueta iti Folk Dance.


Pinagsapata pay  ni Mayor Ediboy dagiti   Opisiales ti Day Care Service Parents Group.

Dagiti nangabak: Singing Contest, Jana Lyka Solima, Barangay Quezon; Draw and Tell, Charmaigne Kate Brodeth ti Brgy. Salomague ken nag-tie ti Barangay Salapasap ken Brgy. Bonifacio ti Folk Dance Category.

Sinerraan ni Mr. Ferico Arcebal ti programa babaen ti panagyamanda  a  Day Care Workers iti panagballigi ti selebrasion.

Nagpaay nga Emcee ni Mr. Ronie Solar ti DCW Dardarat. # (Web In-Action)


No comments:

Post a Comment