Wednesday, October 10, 2012

FIELD DAY TI FFS-PUG OS, NAISAYANGKAT

Cabugao, Ilocos Sur – Naisayangkat ti Field Day dagiti agad-adal ti Farmers Field School a buklen dagiti mannalon iti Brgy. Pug-os, Nagsantaan ken Maradodon idi Oktubre 9, 2012 ket binisitada dagiti Municipal Techno-demo ti hybrid a pagay iti Brgys. Sagayaden, Carusipan, Cacadiran, Arnap  ken Alina-ay kasta met iti naallukoyen a nag-hybrid iti Brgy. Cuantacla.

Nagpaay a Tour-guide ni Mr. Edgar S. Balangatan, AT ken Municipal Techno Demo-Farm Coordinator kadagiti nagpasiar  a mannalon. Kabayatan ti panagbisita, natakuatan a nabilbileg latta ti takder ti hybrid no ikompara iti kaabayna nga inbred. Tunggal demo-farm a turongenda, inaramid ni Balangatan ti nagyesplikar, nagikomperar iti abilidad ti tunggal klase ti hybrid a naimula a nakanayonan ti padas ken regta dagiti mannalon.


Kalpasan ti Field visit, nagturong ti grupo iti Learning Field-da iti Barangay Pug-os para iti Crop Cut ken Data Gathering a mausar iti presentation ti Learning Area.

Indauluan da Mr. Elmer G. Bromeo dagiti mannalon ti Brgy. Pug-os, Kagawad Roberto Sablay ti Brgy. Nagsantaan ken Mr. Garcia ti Brgy. Maradodon. 

Ti FFS ket programa ti ATI-DA RFU 1  a kakammayetna ti LGU Cabugao nga idauluan ni Mayor Edgardo “Ediboy” S. Cobangbang, Jr. tapno maipamaysa a maadal iti teoria ken aktual ti panagpatanor ti hybrid a pagay (panagbunubon agingga ti panagapit) a pakairamanan ti naingayyeman a pananglapped ti sakit/peste no adda man. Imbatad ni OIC Nereo S. Daproza ti DA-LGU, a daytoy nga FFS Program ket pagbalinenna ti nagadal a mannalon a kas iti kabaelan ti maysa nga Agricultural Technologist nga agiwanwan ti padana a mannalon  ken agbalin nga eco-friendly ken Top Yielder ti imulada a pagay a tuladen ken  pagulidanan ti sapasap. # (Web In-Action
)

No comments:

Post a Comment