Tuesday, October 23, 2012

ELDERLY WEEK CELEBRATION, INANGAY TI SENIOR CITIZEN TI CABUGAO

Cabugao, Ilocos Sur – Naangay ti Elderly Week Celebration 2012 iti Federated Senior Citizen ti ili a Cabugao nga idauluan ni Mr. Antonio N. Sabio, President, a nagpartisiparan ti amin nga opisiales ti Senior Citizen kadagiti barangay ti ili babaen iti Tema: “Nakatatanda sa Bisa  ng RA 9994, May Dangal, Nagkakaisa, Buhay ay Gumiginhawa” ken naigiddan ti pannakabendision  ti napabaro a Senior Citizen Day Center a naisaad iti  Brgy. Rizal, Cabugao, Ilocos Sur iti Oktubre 23, 2012.


Immuna a naaramid ti Holy Mass iti Simbaan Romano Katolika iti agsapa sa nagtataripnong dagiti nataengan ken bisita  iti Rizal Park ti Barangay Rizal kalpasanna. 

Nakikaysa met ni Mayor Edgardo “Ediboy” S. Cobangbang, Jr.  iti programa ti pannakaselebrar ti  Elderly Week ken pannakabendision ti nasao a napabaro a pasdek ti Senior Citizen Day Center.
Nangipaay met ti panagsarita maipapan iti selebrasion ken tema ti programa da SB Member Dr. Carlito S. Pano, Chairman, Committee on Social Services, SB Member Vicky S. Serna ken SB Member Josefina S. Vallejo.

Nasangaili  iti nasao a programa ni Retired Judge Efren S. Ubungen.

Ti pannakatarabay dagiti nataengan ket agtultuloy a tamingen ti Gobierno Munisipal babaen kadagiti maipaay a tulong ken programa ken kanaigna a serbisio  nga imatonan  ti LGU-MSWDO nga idauluan ni MSWD Officer Mrs. Lydia S. Gazmen. # (Web In-Action)

No comments:

Post a Comment