Cabugao, Ilocos Sur – Uppat a balitok, 3 a silver ken lima a bronze medal ti inyawid nga inabak dagiti pannakabagi ti Cabugao Taekwondo Club iti dangadang ti 14th Regional Taekwondo Championship a naangay idiay Divine Word College of Bangued, Bangued, Abra itay nabiit.Daytoy a salisal ket nagsasalipan dagiti Chapters ken Clubs ti Region 1 a pakabuklan ti 300 a Players.
Indauluan ni Mr. Romel S. Singson, Club Instructor dagiti umaayam ti Taekwondo nga isuda: Jamela Mae Paligutan, Gold Medal; Nicole Silvania, Gold Medal; Bryan Jet Silvania, Gold Medal; Christoper Sammuel Sivila, Gold Medal; Mark Kevin Silvania, Silver; Christoper Elajan Sivila, Silver; John Paul Lopez, Silver; Al Justine Silvania, Bronze; Aleiyah Sandi, Bronze; Whinett Rubang, Silver; Chyna Padua, Silver ken Angelika Camille Reintar, Bronze.
Impeksa ni Mr. Singson ken dagiti nadakamat a kaduana iti Club iti dakkel a panagyamanda iti agtultuloy a suporta ni Mayor Edgardo “Ediboy” S. Cobangbang, Jr. kadagiti umaayam ti Taekwondo a Taga-Cabugao, Ilocos Sur. # (Web In-Action)
No comments:
Post a Comment