Cabugao,Ilocos Sur- Napagnunumuan ti Cabugao Livestock Traders Association nga idauluan ni Mr. Mariano Raciles ti pannakaigannuat ti Lakbay Aral ti sektor-da. Manamnama nga agturongda sadiay Padre Garcia, Batangas inton Nobiembre 8, 2012 babaen ti panangusarda ti Lakbay Aral Bus ti Munisipio.
Panggep daytoy a gannuatda ti aggun-od ti nayon a padas ken exposure tapno makaadalda kadagiti mas epektibo a teknik ken estratehia a mangidur-as iti interes ti Dayo-Cabugao.
Iti pannakiuman ti Web In Action idi Oktubre 20, 2012 a kaaldawan ti Dayo, imbatad ni Mr. Dante Naval, Municipal Meat Inspector ken Mr. Rudy Quileza, Treasurer ti Livestock Traders a sumaysayaat ti transaksion ta nabubun-as dagiti mai-Dayo nga ayup gapu ta napintas ti pannakaiwardas ti panaggiginnatang iti ikub ti Dayo iti aldaw ti Sabado. # (Web In-Action)
No comments:
Post a Comment