Friday, October 5, 2012

PROGRAMA TI CABUGAO PUBLIC SERVANT FOR A DAY, NAILUNSAD

Cabugao, Ilocos Sur – Naangay ti pannakapili  dagiti agtakem iti Public Servant for a Day kadagiti nasagat a pupils ken estudiante nga insubmiter dagiti dadaulo ti  pageskuelaan iti Cabugao DepEd District ken eskuela-sekundaria ti ili a Cabugao idi Oktubre 4, 2012 iti SB-ABC Hall, Cabugao, Ilocos Sur.

Nagpaay a Facilitator  ni Mr. Dario Roy A. Siruno, Program Coordinator/Municipal Tourism/Information Officer. Sakbay ti pannakapili ti Mayor, Vice Mayor, walo a Sangguniang Bayan Members, Liga ng mga Barangay President ken SK Federated Chairman, imbinsa ni SB Secretary Maxfel S. Suboc ti panggep daytoy a programa ti LGU-Cabugao nga idauluan ni Mayor Edgardo “Ediboy” S. Cobangbang, Jr. tapno maiyallatiw ti padas ken ar-aramiden dagiti Opisiales-Lokal a mangmuli ti kabaelan dagiti ubbing ken agtutubo a mangannong/mangtaming iti pagrebbenganda ken liderato iti agdama ken iti masakbayan.


Napili nga agtakem dagiti sumaganad: Mayor-Jansen Manantan; Vice Mayor Andrea Nicole Rebibis; Sangguniang Bayan Members: Nonel Keith Solis, J. Antonio Serrano, Levey Serrano, Jones Ibatuan, Noreen Jessica Dacles, John Paul Galisinao, Julianne Ubungen ken Jadeth Saniatan. Liga ng mga Barangay President-Nashrene Danica Serdenia; SK President-Marianne Asuncion.
Naapointaran dagiti Administrative Officials iti pagsaadan ti  Treasurer, Budget Officer, Accountant, Civil Registrar, Assessor, Waterworks Supervisor,  Market Supervisor, Slaughterhouse Supervisor, Health Officer, Agriculturist, Social Welfare Officer, Planning Officer, General  Services Officer, SB Secretary, Human Resource Officer, Tourism/Information Officer, Nutrition Officer, SWM Officer, Chief of Police ken Fire Marshal.


Mangrugi ti takem dagiti napili a young  public servants inton Oktubre 8, 2012. Makipasetda iti Flag Raising Ceremony ti LGU ket ditoy a maaramid ti panagsapatada iti takemda.

Kinablaawan ni Mayor Ediboy dagiti napili a Young Public Servants. Impaganetget ti Alkalde Munisipal nga agatendar dagitoy iti pannakaisa ti Bandera inton Lunes, Oktubre 8, 2012 ken mapagmimitinganda pay kadagiti dadaulo ti maseknan nga Opisina ti LGU  iti mainayon nga akemen dagiti agtakem nga ubbing ken agtutubo.

Nakipaggamulo iti nasao nga aktibidad da SB Member Vicky S. Serna, SB Member Dr. Carlito S. Pano, SB Member Dr. Jemaima S. Tan-Yee, SB Member Benedicto M. Savellano  ken SB Secretary Maxfel S. Suboc. # (Web In-Action)

No comments:

Post a Comment