Wednesday, October 31, 2012

SEEDLINGS TI NATENG, INWARAS TI MSWDO KADAGITI 4 P’S

Cabugao, Ilocos Sur – Naaramid ti Distribution ti Vegetable seedlings babaen kadagiti pannakabagi ti Municipal Social Welfare and Development Office (MSWDO) ti ili a Cabugao babaen ti panangidaulo ni MSWD Officer Mrs. Lydia S. Gazmen  iti umabot  iti 359 a Pamilia  a 4 P’s Beneficiaries iti Brgy. Namruangan, Sabang, Daclapan ken Dardarat idi Oktubre 29, 2012.

Imbatad ni Miss Aida Cueto, pannakabagi ti MSWDO, a ti pannakaiwaras dagiti seedlings ket paset ti mainayon a panangtulong kadagiti nadakamat a pamilia kas napagnanamingan  iti Family Development Session (FDS) a naigannuat kadakuada maipapan iti Intensive Bio-Gardening idi bulan ti Setiembre 2012.

Dagiti klase ti seedlings a naited ket iti tarong, kamatis, tabungaw, karabasa, kabatiti ken paria. Dagitoy a tulong ket naggapu iti Gobierno Munisipal nga idauluan ni Mayor Edgardo “Ediboy” S. Cobangbang, Jr. tapno mailungalong ti panagmula iti arubayan iti nateng a makatulong a mangnayon ti kasapulan dagiti umili nangruna kadagiti barangay.  # (Web In-Action)

No comments:

Post a Comment