Tuesday, October 23, 2012

MAIMULA A BUKEL TI BAWANG, NAITED KADAGITI GARLIC GROWERS

Cabugao, Ilocos Sur – Inyawat ti DA-LGU  babaen  ti High Value Crops Development Program (HVCDP) iti Department of Agriculture (DA) ti bukel ti bawang (1.2 Tons) kadagiti kameng ti Cabugao Garlic Growers’  Association nga indauluan ni Mr. Henry Saliganan iti Barangay Pug-os, Cabugao, Ilocos Sur idi Oktubre 22, 2012 ditoy Munisipio ti Cabugao.


Daytoy a bukel ket managan ti Ilocos White ken maimula babaen ti “Plant Now Pay Later”  kadagiti garlic growers ti Brgy. Sagayaden, Baclig, Salomague, Pug-os, Rizal ken Namruangan.


Nakikaysa iti panagtataripnong dagiti Garlic Growers ni SB Member Benedicto M. Savellano, Committee Chair on Agriculture.

Paset  pay ti pannakapatibker ti asosasion iti pannakairehistrona iti DOLE tapno maaddaan  ti  juridical identity a maki-koordinar   kadagiti dadduma nga Opisina ken Ahensia a makatulong kadagitoy, segun ken ni Mrs. Ester Aguimbag, Municipal Garlic Growers Coordinator. # (Web In-Action)

No comments:

Post a Comment