Thursday, October 11, 2012

TALLO A RICE THRESHER, NAGUN-OD TI 3 A BARANGAY TI CABUGAO

Cabugao, Ilocos Sur – Naidagas iti Munisipio ti Cabugao ti  tallo a kabarbaro a  unit ti Rice Thresher     (KATO Model) with Brand-new Diesel Engine Generator (Yanmar Brand) ita nga aldaw, Oktubre 10, 2012 a nagun-od ti tallo a Farmers Associations iti Brgy.  Lipit, Brgy. Cuancabal ken Brgy. Bonifacio, Cabugao, Ilocos Sur.

Sakbayna,  nakiddaw dagitoy a ramit  babaen kadagiti nadakamat nga asosasion iti panangyendorso ni Mayor Edgardo “Ediboy” S. Cobangbang, Jr. dagiti resolusionda  iti DA-RFU 01. 85-15 % Equity dagitoy a ramit: 85% ti DA-RFU 1 idinto ta 15% iti FA’s a tinulongan ti Gobierno Munisipal.



Inimatangan ni Mayor Ediboy ti pannakaidagas dagitoy a ramit-agrikultura iti arubayan ti Munisipio. Binigbig ti Alkalde Munisipal ti ibunga ti timpuyog dagiti asosasion ket manamnama a tuladenda dagiti  asosasion a nakagun-oden ti makinaria iti naregget ita  nga inisiatiba-da  a mangpadakkel ti asosasionda babaen ti tulong dagitoy a ramit.

Indauluan ni Mr. Robert S. Savella, AT/DA-LGU dagiti mannalon a napan nangala kadagiti nasao a ramit iti DA Provincial Center, Batac City, Ilocos Norte. Naisurot met ni Brgy. Captain Bernardo Salom ti Barangay Lipit a kaduana ni FA President Mario Adrian Pecpec ti Brgy. Lipit. Nairagup met da Brgy. Cuancabal FA President Demetrio Savellano ken Brgy. Bonifacio FA President Rogelio Siruno.

Ti Farm Mechanization Program ti Departamento ti Agrikultura (DA)  ket manamnama  a ma-avail dagiti mannalon agingga iti Tawen 2016. # (Web In-Action)



No comments:

Post a Comment