Cabugao, Ilocos Sur – Nagsapata dagiti Cabugao Young Public Servants iti sanguanan ni Mayor Edgardo S. Cobangbang, Jr. kalpasan ti Flag Raising Ceremony iti Oktubre 8, 2012 iti sango ti Munisipio. Sakbayna, napili dagiti agtakem nga ubbing idi Oktubre 5, 2012 iti SB-ABC Hall.
Kanaig daytoy, inyam-ammo ni Mr. Dario Roy A. Siruno, Program Coordinator/Municipal Tourism & Information Officer dagiti agtakem nga ubbing. Impatuldo/impakumit met ni Mayor Ediboy ti ubing nga agtakem iti maseknan a Head of Office ti LGU a naitaripnong nga asitganda a pakaibilanganda nga Opisina.
 |
| Oath Taking Ceremony of the Young Public Servant officiated by Mayor Ediboy |
Nagsaruno nga inyawat da Chief of Police Rodel Ularte ken Fire Marshal Elmer Acapuyan dagiti badges ti PNP ken BFP kadagiti ubbing nga agakem a Hepe ti Polisia ken Fire Marshal iti imatang ni Mayor Ediboy ken ti Pamilia-LGU.
Impeksa ni Mayor Ediboy iti panangdayawna iti pannakaitultuloy ti napintas a serbisio ti Pamilia-LGU kadagiti umili iti napalabas a lawas ken iti sumaganad a lawas. Dinakamatna met ti pateg daytoy a programa a panangipaannong iti pagrebbengan kadagiti naganus ti panunotna nga ubbing tapno maammuan, mariknada ken mayallatiw nga ulidanda ti ar-aramiden dagiti nataengan nga opisiales. Innayonna a paset daytoy ti panangmuli ti kabaelan dagiti ubbing a maisagsagana para iti masakbayan dagiti sumarsaruno a mangidaulo iti ili a Cabugao.
Iti Oktubre 8, 2012, nangrugi a nagaktuar dagiti Public Servant For A Day ket nakipagtamingda kadagiti trabaho ti Opisina a nakaibilanganda.
Iti Opisina ti Municipal Mayor, nangted ni Mayor Ediboy iti balikas a pangiwanwan kadagiti ubbing a Lehislador nga idauluan ti Young Mayor ken Young Vice Mayor iti imatang dagiti Sangguniang Bayan Members nga idauluan ni Vice Mayor Danny Q. Gazmen.
Naregta met dagiti Public Servants a nakikaysa a nagtrabaho iti Opisina a nakaibilanganda ken napnuan ayat ken anus met a tinarabay dagiti Head of Office ken Personnel a nangiwanwan, nangkasarsarita ken nang-orientasion maipapan iti kasasaad ken trabaho ti Opisina kadagiti nag-duty nga ubbing iti dayta a nagmalem. # (Web In-Action)
 |
| Young Chief of Police |
 |
| Young Fire Marshal |
 |
| Young Municipal Treasurer |
 |
| Young Municipal Accountant |
 |
| Young Municipal MPC |
 |
| Young SB Member during the Session |
 |
| Young Municipal Mayor |
 |
| During the Local School Board Meeting |
 |
| All Young Public Servant |
 |
| Mayor Ediboy with Young Mayor Jansen Manantan |
No comments:
Post a Comment