Cabugao, Ilocos Sur – Nagun-od ti Bungro Farmers Association dagiti 12 Rolyo ti Hose (de dos) ken maysa a Unit ti Electric Pump (Fuji Brand) with accessories manipud iti DA-RFU 1 kas paset ti proyekto a nagun-odda iti Rice-Based Farming Systems in a Lowland Areas in Region iti panagmulada ti nateng ken mais kadagiti rainfed area ti nasao a barangay.
Mismo a kadua ni Mr. Eddie Sevilleja, FA President, dagiti kakaduana a nangidagas ti pakabuklan dagiti ramit ditoy Munisipio ti Cabugao nga inimatangan dagiti pannakabagi ti DA-LGU nga idauluan ni OIC Nereo S. Daproza, AT ken SB Member Benedicto M. Savellano, Committee Chair on Agriculture.
Imbatad ni Mr. Sevilleja nga agtultuloy ti panagmulada ti nateng ken mais ket makatulong unay dagitoy a ramit nangruna iti water savings device nga itdento ti Ahensia. Pinagyamananna met ti LGU Cabugao iti panangidaulo ni Mayor Edgardo "Ediboy" S. Cobangbang, Jr. ta suportado-da iti Sektor-da nga agmulmula a mangbalanse ti agtultuloy a produksion ti nateng para iti merkado ken konsumo iti sapasap nga umili. # (Web In-Action)
No comments:
Post a Comment