Monday, October 22, 2012

MONITORING AND EVALUATION, IRUSRUSAT TI MENRO

Cabugao, Ilocos Sur – Kalpasan a maipakaammo ti sinaguday ti direktiba ni Mayor Edgardo “Ediboy” S. Cobangbang, Jr. kadagiti 33 a barangays ti Munisipalidad maipapan iti implemetasion ti Ecological Solid Waste Management ken Clean and Green Program a karaman pay kadagiti pagadalan, inrusat ni Mr. Edgar S. Balangatan, MENRO-Designate ti agbisbisita ken mangmonitor no maipakpakat met laeng ti nabayagen a paar-aramid ti Munisipio a Material Recovery Facility (MRF)  ti tunggal barangay ken eskuela kasta met iti kaadda ti  Nursery, Herbary, Compost Pit, ken Garden dagitoy.

Segun ken ni Mr. Balangatan, nairugidan a nagbisita iti Brgy. Baclig, Bonifacio, Cacadiran, Carusipan, Nagsantaan, Sagayaden, Pug-os ken Quezon. Ad-adu ti  nakatungpal ngem adda latta met dagiti agkurang ti nagapuananna.


Innayon ni Balangatan a mapakdaaran dagiti barangay a matakuatan a saan a naurnos ti pagbasuraanna nangruna dagiti lumugar nga agibelbelleng ti rugit ken selopin iti igid ti karayan, kanal wenno kali.

Ti panangipagpaganetget ti pannakaipatungpal ti Ecological Solid Waste Mangement ken Clean and Green Program ket maysa a prayoridad a programa ti LGU-Cabugao  tapno mamantener ti agtultuloy a pannakaisagut  met laeng dagiti agnaed nga umili, segun ken ni MENRO Balangatan. # (Web In-Action)

No comments:

Post a Comment