Cabugao, Ilocos Sur – Babaen ti pannakaipakat ti Clean and Green Program ti Munisipio nga idauluan ni MENRO Edgar S. Balangatan, maysa kadagiti naipamaysa a napapintas babaen ti baro a disenio a nainayon iti sango ti Municipal Hall (Presidencia) iti panagtitinnulong dagiti LGU Personnel.Kalpasan a mamulaan ken mapalawlawan ti muymuyong, maar-aramid ti symbolic map ti ili ti Cabugao ken Probinsia ti Ilocos Sur babaen ti pannakausar ti pebbles iti panangiwanwan ti Municipal Engineering Office.
Kabayatan a mapaspasayaat pay ti Municipal Lawn, pagtitinnulongan met dagiti empleado ken agob-obra iti salinong ti LGU a manteneren ti pakabuklan daytoy a parupa ti Munisipio babaen ti pammilin ni Mayor Edgardo “Ediboy” S. Cobangbang, Jr. # (Web In-Action)
No comments:
Post a Comment