Cabugao, Ilocos Sur - Narugian ita nga aldaw, Oktubre 15, 2012 ti panagsursuro dagiti inna iti panag-manicure ken pedicure (Cosmetology) nga ababa a kurso nga inggannuat ti Alternative Learning System (ALS), DepEd Cabugao District ken timmulong ti LGU-Cabugao nga idauluan ni Mayor Edgardo “Ediboy” S. Cobangbang, Jr. Adda 20 nga inna a nangrugi iti nasao a kurso-bokasional ket maisarunonto ti Hair Dressing a sursuruenda, segun ken ni Mr. Clara Sinampaga, Trainor, a taga-Brgy. Salapasap, Cabugao, Ilocos Sur.
Daytoy a gannuat ket napateg a maipamaysa kadagiti makasango nga inna wenno indibidual tapno mabenepisiaranda kadagiti orasda. Imbatad ni Mr. Nestor de los Santos, Coordinator ti ALS-Literacy Services Contracting Scheme (LSCS) ti DepEd a matingiting dagiti organisasion wenno grupo a mayat pay nga agsanay tapno maiplano ti pannakabirok iti mausar iti maiyusuat a training.
“Napintas, napateg ken tuloy-tuloy koma daytoy nga programa ta adu ti nagballigi ken maisagut nga inna wenno dagiti mayat nga awan ti kukueenna. Pagyamanantayo met dagiti sponsors,” insungbat ni Mr. Clara Sinampaga idi kauman ti Web In-Action.
Ti dua a kurso (Cosmetology ken Hair Dressing) ket leppasen dagiti trainees ti 150 oras ket 3 oras ti panagsanayda iti tunggal aldaw. # (Web In-Action)
No comments:
Post a Comment