Tuesday, October 23, 2012

FIELD DAY TI CLUSTER MUNICIPALITIES, NAANGAY DITOY CABUGAO

Cabugao, Ilocos Sur – Naangay ti Field Day ti Rice Field Demonstration kadagiti Techno-Demo Farms  iti lima nga ili (Sinait, Cabugao, San Juan, Magsingal ken Sto. Domingo)  ti Umuna a Distrito ti Ilocos Sur a nagpartisiparan dagiti Personnel ti DA-LGU’s, Farmer Cooperator’s dagiti Techno-Demo, Opisiales  ti Techno-Demo, Opisiales ti DA Provincial ti Ilocos Sur ken  ti DA-RFU 1  nga idauluan ni Mrs. Wilma Ibea, Senior Agriculturist ti DA Provincial Center , Batac City, Ilocos Norte  a nangibagi ken ni OIC Regional Executive Director Valentino C. Perdido, Ph. D. ti DA-RFU 1, San Fernando City, La Union.

Naangay ti programa iti Barangay Multi-purpose Center iti Sitio Rebba, Barangay Cacadiran, Cabugao, Ilocos Sur iti Oktubre 23, 2012.

Immuna a paset ti programa ti Field Walk/Visitation of Techno-Demo Farm ket binisita ti grupo ti taltalon  ni Kagawad Ely Castillo ti Brgy. Cacadiran. Pammasangbay a parte ti programa ti inakem ni Brgy. Captain Alex Siruno ken Acknowledgment of Guest and Participants ni MRPC/OIC Nereo S. Daproza. Inted met  ni Mrs. Josefina D. Tamargo, Provincial Rice Techno-Demo Coordinator, OPAG-Ilocos Sur ti Overview of Techno-Demo Project.


Nagyaman ken kimmablaaw ni Mayor Edgardo “Ediboy” S. Cobangbang, Jr. kadagiti amin a timmalantan iti nasao a pasamak. Bininsana ti kaipapanan   dagiti naiteden a proyekto kadagiti mannalon iti Cabugao babaen ti LGU, DA Provincial ken Regional.

Imbatad ni Mayor Ediboy a nakasursuro  dagiti asosasion ti mannalon nga ag-inisiatiba tapno paneknekanda a kaikarianda ti maikkan ti tulong ken proyekto ta napadakkelda ti asosasionda para iti pagimbagan ti sapasap a sektor-agrikultura.

Binigbig pay ti Ama ti Ili a dakkel a nakatulong ti pundo ti RA 7171 a gapuanan ni Gov. Chavit  para kadagiti mannalon ti tabako, ti panangtulong ti LGU iti counterparting  scheme kadagiti farm  equipments/machineries, ken iti pannakaadda manen ti 240 Milion a proyekto ti irigasion ti  NIA iti Gaco National Irrigation Project a narugianen  ditoy Brgy. Cacadiran ken mangbenepisiarto pay iti 13-14 a barangays ti Munisipalidad. Babaen kadagitoy, pumigsa ti purchasing power dagiti mannalon ket agresulta ti pannakapapigsa ti ekonomia ti ili. Dinakamat  pay ti Alkalde Munisipal a gapu ta by cluster ti turongen ti programa ti DA  ket  agtitinnulong dagiti agkakadua nga ili iti panaggun-od ti proyekto a para iti pagsayaatan dagiti  sapasap a mannalon.


Binigbig  ni Mrs. Wilma Ibea, pannakabagi ni DA OIC Regional Executive Director Valentino C. Perdido dagiti nagapuananen  dagiti asosasion ti mannalon iti Cabugao. Iti anag ti mensahena, kayat ti Ahensia ti DA-RFU 1   a maallukoy met   dagiti dadduma nga ili babaen iti maiyusuat a demo-farm ti hybrid kas mayataday iti bininsana a pateg ti panangtaginayon ti panagpataud ti  umdas a pagtaraon a bagas para iti sapasap.

Nagsarita met da Mr. Butacion ti OPAG-Ilocos Sur a nangirepresentar ken ni Provincial Agriculturist Teofilo R. Quintal kasta met ti pammatibker kadagiti mannalon nga inyebkas  ni SB Member Benedict M. Savellano, Committee Chair on Agriculture ti ili a Cabugao.


Nakitaripnong met da ABC President, Brgy. Captain Teddy U. Soller, MAFC Chairman Kagawad Rogelio Barlolong, Federated Farmers President Elmer Bromeo, Brgy. Captain Oscar Pula, ken dadaulo ti mannalon dagiti barangay a nakipaset ken  binayabay  dagiti opisiales ti barangay-da.
Nairaman pay a nakitabuno da Hon. Constante Oandasan ti Magsingal, Ex-Vice Mayor Rex Augustus S. Morales ti Cabugao ken Former SB Member Carlos Sison.

Kalpasan ti programa, naiyawat dagiti Tseke a pakabuklan ti Financial Assistance ti LGU-Cabugao kadagiti dadaulo ti asosasion ti mannalon a nagatendar.

Nagpaay nga Emcee da Ms. Raquel Tacbas ken Mr. Jimmy Seguban. # (Web In-Action)

No comments:

Post a Comment