Cabugao, Ilocos Sur –
Nangipaay ti Department of Agriculture-Regional Field Unit (DA-RFU 1) iti
agduduma a bukel ti nateng a maisemilia idiay Municipal Greenhouse ken maited
nga imula dagiti kabarbaro a kameng ti 4
P’s (Pantawid Pamilyang Pilipino Program) ken Barangay Nutrition Scholar (BNS)
kadagiti barangay iti Munisipalidad.
Inimatangan ni Mayor
Edgardo “Ediboy” S. Cobangbang, Jr. a kaduana da Assistant Provincial
Agriculturist Editha Castillo, SB Member Benedict M. Savellano ken ni Mrs.
Ester P. Aguimbag, High Value Commercial
Crops Municipal Coordinator iti pannakaruk-at dagitoy a bukel idi Enero 8, 2013
iti mismo a Munisipio.
Mayataday daytoy a
proyekto a pagkammayetan ti DA-RFU 1 ken LGU-Cabugao a maipatungpal iti
Munisipalidad tapno agtultuloy a matulongan dagiti nakurapay a kaamaan a mangpataud
ti imulada kadagiti pagmulaanda ti nateng a mangkomplementar ti programa ti
nutrision iti Munisipio.
Iti pannaki-amad ti
Web In-Action iti Enero 9, 2013, insupusop ni Mrs. Ester P. Aguimbag iti
nasayud a pannakaipatungpal daytoy a programa kadagiti maseknan a household
members tapno maaddaanda iti agtultuloy a backyard gardening ti nateng. # (Web
In-Action)
No comments:
Post a Comment