Segun ken ni Mr. Maxfel S. Suboc, Sangguniag Bayan Secretary, ti Codification ket maysa a legislative initiative ni Vice Mayor Danny Q. Gazmen ken inesponsoran ti Committee on Rules babaen kada SB Member Benedict M. Savellano, SB Member Dr. Carlito S. Pano ken SB Member Josefina S. Vallejo. Nangrugi ti Codification Process idi 2011 ket naibasar ti codification kadagiti ordinansa manipud 1946 agingga iti 2012. Nagdalan met ti Codification iti serye ti public hearings manipud Oktubre 2011-Disiembre 2011. Nabukel ti Technical Committee on Codification babaen kadagiti sumaganad: Mr. Maxfel S. Suboc, Chairman; Members: Mr. Dario Roy Siruno, Miss Teresita S. Sison ken amin a Department Heads; Advisers-Sangguniang Bayan ken Consultant, Ms. Constancia L. Quinola.
Insupusop met ni Vice Mayor Danny Q. Gazmen a ti panakailibro dagiti naaprobaran nga ordinansa iti Munisipalidad ti Cabugao manipud iti post-war years agingga iti agdama ket tapno maipa-simple ti linaon ti ordinansa, maurnos a maibasar iti areas of concern, ma-update iti saklawenna ken maipanawen ti penal provision a paset ti ordinansa.
Iti pannaki-amad ti Web In-Action iti Enero 21, 2013, imbatad ni SB Member Benedicto M. Savellano, Committee Chair on Rules a maiwaras dagiti kopia ti Codification of Ordinances kadagiti 33 a barangay ti Munisipalidad apaman a mailibro.
Ti Codification of Ordinances ket maibilang a Major Legislative Achievement ti Sangguniang Bayan ken Landmark Accomplishment ti Administrasion ti LGU-Cabugao iti Tawen 2010-2013 iti pakasaritaan ti ili a Cabugao, Ilocos Sur. # (Web In-Action)
No comments:
Post a Comment