Cabugao, Ilocos Sur –
Isagsaganan dagiti pannakabagi ti DA-LGU Cabugao, Ilocos Sur nga idauluan ni
OIC Nereo S. Daproza, AT ti Identification Card dagiti rehistrado a mangngalap
iti amin a Coastal Barangays ti ili a Cabugao iti panangrugi ti Calendar Year
2013.
Sakbayna, naigannuat
ti panagparehistro/panangmiting ti DA-LGU kadagiti kameng ti nadumaduma nga
asosasion ti mangngalap kadagiti Barangay ti Dardarat, Salomague, Sabang,
Daclapan, Namruangan, Salapasap ken Pug-os tapno masapasap a maiparehistro
dagiti lehitimo a nagan ti mangngalap.
Imbatad ni Mrs.
Milagros R. Paz, Municipal Fisheries Coordinator a paset ti rehistrasion iti
direktiba ni Mayor Edgardo “Ediboy” S.
Cobangbang, Jr. a mairehistro iti nagan ti amin a mangngalap iti Opisina ti
DA-LGU tapno maipasigurado a kualipikadoda a makasagrap kadagiti pagsayaatan a maited
kadagiti mangngalap babaen ti programa ti DA ken ti LGU.
Maibasar iti rekord ti
DA-LGU, umaboten ti 394 iti bilang ti
nakarehistro iti agdama a pakabuklan ti
18 a bilang ti asosasion a sakupen ti Municipal Fisheries Aquatic Resources
Management Council (MFARMC) nga idauluan ni Brgy. Captain Danny Garcia a katinnulong ti LGU a mangtartarabay kadagiti
mangngalap ti Munisipalidad. # (Web
Situatiuonal Report)
No comments:
Post a Comment