Wednesday, January 2, 2013

ALDAW TI BARO A TAWEN-2013, NATALNA KEN NARAMBAK

Cabugao, Ilocos Sur – Agpada  ti kapintas ti   pannakarambak ti Paskua iti pannakaselebrar ti Baro a Tawen idi Enero 1, 2013 iti ili a Cabugao, Ilocos Sur.


Iti panagrekurida ti Web In-Action, kamalman ti Disiembre 31, 2012 pay laeng nagkarintaren  dagiti nagselebrar iti naggatang ti firecrackers ken mapagsasanguanda iti countdown ti 2012 ken 2013 iti umay a rabii.


Iti masansan a pannaki-amad ti Web In-Action iti Municipal Police Station, imbatad dagiti naka-duty a Polis a namantener ti kinatalna dagiti nagselebrar, nasayud ti trapiko, ken saan a nakaro ti naapektaran ti pappaputok no adda man.


Kanaig itoy, naaramid ti Nasantuan a Misa iti agsapa ti Enero 1, 2013 (nagsasaruno)  iti Simbaan Romano Katolika ken kasta met kadagiti simbaan, kapilia ken denominasion ket nagselebrar met dagiti kameng ti  nagduduma a relihion/pammati a nangsarabo ti isasangbay ti Baro a Tawen 2013.

Intultuloy met latta   dagiti pamilia, agkakabagian, ken aggagayyem iti nagselebrar babaen ti piknik, salu-salo ken panagpasiar kadagiti tourist destinations a masarakan iti lokalidad.


Saan a mapunas ti kaugalian iti Kultura ni Ilokano nga iti panagsukat ti Tawen ket kaipapananna ti Baro a Namnama nga agballigi babaen iti Baro a Gannuat iti Biag. # (Web Situational Report)

No comments:

Post a Comment