Cabugao, Ilocos Sur –
Naaramid ti umuna a kaaldawan ti panag-dadayo ita a Tawen 2013 idi Enero 5,
2013 (Sabado). Nasapa a dimteng dagiti trakan a nagkarga ti ayup ket napasamak
ti sinnirpat apaman a naibaba dagiti ayup. Ad-adu ti nalako a para parti gapu
iti pagkasapulan ti masida iti umay nga aldaw ti Domingo a naipangruna nga
aldaw ti Tienda.
Imbatad ni Dr. Melvin
Castro, Municipal Livestock Inspector a nasapa met a nagyan ti pagplastaranda
iti kaduana iti asideg ti pagkiluan tapno imatanganna dagiti makilo nga ayup
ken baboy a maparti. Tingitingenda met a nasayaat ti pannakaisimpa dagiti
papeles dagiti ayup a nagdalan iti transaksion (nailako/nagatang) sakbay a
mairuarda iti compound ti Livestock Office.
Iti dayta a petsa,
bimmisita met ni Mayor Edgardo “Ediboy” S. Cobangbang, Jr. ken SB Member Carlos V. Sison tapno makidinnanggay
kadagiti agda-dayo. Adda met da Tesorero Rudy Quileza ken Sekretario Elpidio
Mejia a mangig-iggem kadagiti rekord ti asosasionda iti Dayo.
Mangnamnama dagiti
Koridor ken Opisiales ti Dayo a
napinpintas dagiti masungad a transaksion a mapasamak iti sumarsaruno a
panag-dadayo ita a Tawen 2013. # (Web Situational Report)
No comments:
Post a Comment