Cabugao, Ilocos Sur –
Agtultuloy a maipatungpal ti Farmers Field School-Garlic Production kadagiti
nagkakammayet a mannalon nga agmulmula ti bawang iti Barangay Pug-os, Cabugao,
Ilocos Sur. Daytoy a panagadal ket maangay iti tunggal Huebes iti lawas. Umuna
a nag-session dagiti Garlic Growers idi
Enero 3 (Huebes) iti Tawen 2013 iti
Barangay Pug-os babaen ti panangimaton dagiti Teknisian ti DA-LGU.
Agadalda manipud panangisagana ti pagmulaan, panagtan-ay ken panagapit ti maimulada a bawang. Kabayatan ti panagdakkel ti mulada, kangrunaan a pakaseknanda ti peste wenno sakit a rumsua. Adalenda ti AESA (Agro-eco System Analysis) no kasano a lapdan ti sakit a di agusar ti nalabes nga insektisidio. Masasao a Learning-Field ti pageksperimentuanda ken Learning-Center met ti pagsasaritaanda iti natakuatanda.
Addadan iti AESA 9-Crop Production Stage ket iti kombinasion a teoria ken aktual a panagadal ken panagasikasoda, magun-odda ti napintas a resulta iti masursuroda ken maapitda iti bawang.
Ti proyekto ket nagkammayetan nga ingannuat ti LGU-Cabugao nga idauluan ni Mayor Edgardo “Ediboy” S. Cobangbang, Jr., DA-OPAG-Ilocos Sur, Philrice (Munoz) ken DA-ATI.
Panggep pay ti programa nga iyagpang ti kaammuan iti mainugot a teknolohia ti panagmula ti bawang ken adda eco-friendly a wagas ti panagpatan-ay tapno maibaba ti gastos ken puonan ket maingato ti matgedan dagiti mannalon ditoy a lokalidad a pagpatanoran kadaytoy a cash crop. # (Web In-Action)
Agadalda manipud panangisagana ti pagmulaan, panagtan-ay ken panagapit ti maimulada a bawang. Kabayatan ti panagdakkel ti mulada, kangrunaan a pakaseknanda ti peste wenno sakit a rumsua. Adalenda ti AESA (Agro-eco System Analysis) no kasano a lapdan ti sakit a di agusar ti nalabes nga insektisidio. Masasao a Learning-Field ti pageksperimentuanda ken Learning-Center met ti pagsasaritaanda iti natakuatanda.
Addadan iti AESA 9-Crop Production Stage ket iti kombinasion a teoria ken aktual a panagadal ken panagasikasoda, magun-odda ti napintas a resulta iti masursuroda ken maapitda iti bawang.
Ti proyekto ket nagkammayetan nga ingannuat ti LGU-Cabugao nga idauluan ni Mayor Edgardo “Ediboy” S. Cobangbang, Jr., DA-OPAG-Ilocos Sur, Philrice (Munoz) ken DA-ATI.
Panggep pay ti programa nga iyagpang ti kaammuan iti mainugot a teknolohia ti panagmula ti bawang ken adda eco-friendly a wagas ti panagpatan-ay tapno maibaba ti gastos ken puonan ket maingato ti matgedan dagiti mannalon ditoy a lokalidad a pagpatanoran kadaytoy a cash crop. # (Web In-Action)
No comments:
Post a Comment