Cabugao Ilocos Sur – Naruk-atan ti naaprobaran nga alokasion ti Financial Assistance kadagiti Non-Government Organizations (NGO’s) ken Kooperatiba babaen iti Gobierno Munisipal nga idauluan ni Mayor Edgardo “Ediboy” S. Cobangbang, Jr. idi Enero 21, 2013 iti mismo a Munisipio.Panggep ti LGU a tulongan dagitoy a grupo wenno indibidual a maisalinong iti Kooperatiba iti benneg ti produksion tapno pumigsa ti purchasing power dagiti maseknan a mannalon ket magatangda ti kayatda nga ag-translate iti pannakapapigsa ti ekonomia ti ili.
Dagitoy a gatad a bulodenda iti unos ti maysa a cropping season ket isublida babaen ti 1% a gunggona ken kabuyogna a pagrebbengan dagiti maseknan a partidos tapno addanto manen sublatenda iti sumaruno a panagmumula. Iti kastoy a wagas, maliklikan ti pannakibaet ti “usurero” ket agintek iti matgedan iti produksion kadagiti mannalon ti tabako.
Dagiti asosasion a recipients iti Financial Assistance ket dagiti sumaganad: Sagayaden Free Farmers Multi-purpose Cooperative (Cael-layan Farmers babaen ken ni Mrs. Fely Sait, Leader); Turod Multi-purpose Cooperative (Farmer Leaders- Brgy. Captain Inocencio Sadac; Alvin Garcia, Brgy. Lipit; Marlon Abon, Brgy. Bonifacio; Namnama Trading Center; ken Arnap Sunrise MPC-Ms. Emely Solis, Farmer Leader).
Daytoy a gannuat ket epektibo ken naballigi a naipatungpal iti kallabes a tawen ken panagmumula ti tabako ken pagay babaen ti LGU ken dagiti mannalon. # (Web In-Action)
No comments:
Post a Comment