KANUT-KANOT (EUCHEUMA), NAITED A SEAWEEDS A PATAN-AYEN DAGITI 4 P’s

Cabugao, Ilocos Sur – Nangipaay ti Bureau of Fisheries and Aquatic Resources (BFAR) iti 300 a kilos ti mapatanor a mapagkakitaan a ruot ti baybay (Eucheuma wenno kanut-kanot)   kadagiti nagsanay iti Seaweeds Production iti innem a Coastal Barangay ti ili a Cabugao a buklen dagiti pamilia ti Pantawid Pamilyang Pilipino Program (4 P’s) idi Enero 21, 2013.

Timmulong ti DA-LGU babaen kada Mrs. Milagros R. Paz, Municipal Fisheries Coordinator ken ni  Mr. Robert S. Savella,  katulonganna a mangimaton ti Fishery Section babaen ti panangiyawat ni BFAR Provincial Coordinator Rogelio Ragonjan kadagiti pannakabagi ti DA-LGU ditoy Munisipio idi Enero 23, 2013. Inimatangan da SB Member Benedict M. Savellano, Committee Chair on Agriculture ken SB Member Carlos V. Sison.

Dagitoy a proyekto  ket pakabuklan ti nagkammayet a programa ti LGU-Cabugao nga idauluan ni Mayor Edgardo “Ediboy” S. Cobangbang, Jr. ken ti BFAR babaen ken ni  Regional Director Nestor D. Domenden, CESO V  tapno makomplementaran ti nasged a kalikagum dagiti agindeg iti igid  ti baybay a maikkanda iti pagkakitaan a pangnayonda  iti matgedanda iti panagkalap a mangpasayaat pay ti kasasaadda ken iti sapasap. # (Web In-Action)