ONE STOP-SHOP, PANAGSAKADA TI LISENSIA KEN PERMISO TI NEGOSIO

Cabugao, Ilocor Sur – Maar-aramid ti panangipabaro ti lisensia ken  permiso  dagiti amin nga  agtagikua ti negosio   iti Munisipalidad ti Cabugao  para iti Tawen 2013 a nangrugi idi  Enero 2 agingga iti Enero 20, 2013. 

Tapno malakaan dagiti kliente a mangsakada ti clearances-da, impatungpal ti LGU-Cabugao babaen ti panagkakammayet ti tunggal opisina  iti maysa a lamisaan laengen  a pangtedanda ti papeles ken pangalaanda ti clearances.Masasao daytoy a wagas iti One Stop-Shop a pannakaproseso ti papeles agingga iti Assessment Table sakbay a maited ti Mayor’s Permit a maipapirma iti Opisina ti Local Chief Executive.Dagiti maseknan  a mangted ti pammalubos sakbay a maikkanda ti lisensia ken permiso ket dagiti sumaganad:

 

1.           RHU-Sanitary and Health Certificate

2.           Solid Waste Management

3.           Pag-ibig

4.           Philhealth

5.           SSS

6.           BIR

7.           BFP

Daytoy a wagas ti panagitedan ti pammalubos kadagiti agnegnegosio nga agoperar ket paset ti sistematiko a panangtulong ti Gobierno Munisipal nga idauluan ni Mayor Edgardo “Ediboy” S. Cobangbang, Jr. kadakuada tapno matulongan dagiti maseknan a business owners iti nadardaras ken naur-urnos a  pananggun-odda ti permiso sakbay nga  agoperar manen  ti negosioda ita a tawen.  # (Web In-Action)