Wednesday, January 23, 2013

UMAD-ADU TI AGPAAGAS, MANAYNAYONAN TI RAMIT KEN ADDA AGAS

Cabugao, Ilocos Sur – Iti pannaki-amad ti Web In-Action iti Enero 23, 2013, umad-adu ti bilang ti bumisita ken agpaagas iti inaldaw  iti Rural Health Unit, Cabugao, Ilocos Sur. Agduduma ti kinatao ti umili: maladaga, ubbing, agtutubo, agkabannuag ken nataengan dagiti agpaagas ken agpagabut ti an-annayenda iti ngipen kadagiti aldaw nga eskediul dagiti Dentista.

Agtultuloy met a maipan dagiti maladaga a nakaeskediul iti mangimaton iti  panagbakunada iti Immunization Room kasta met kadagiti inna nga agpa-prenatal check-up.


Imbatad ni Mrs. Janet Sison, Public Health Nurse nga agtultuloy  a napintas ti pannakaited ti serbisio kadagiti pasiente, ken pagyamananda met  iti Gobierno Munisipal nga idauluan ni Mayor Edgardo “Ediboy” S. Cobangbang, Jr. ta nailungalongda ti pannakanayon dagiti medical equipments ket naisangpeten dagiti naidonar a ramit ken agtultuloy a kaadda  iti kasapulan nga agas.


Dagiti nasamay a pannakaipakat ti serbisio ti salun-at kadagiti umili ket gubuay ti napintas a panagbinnulig ti LGU-Cabugao ken dagiti Medical Personnel ti RHU ken DOH a mangimaton kadagiti agtultuloy a  programa ti salun-at kadagiti umili ken ti sapasap. # (Web Situational Report)


No comments:

Post a Comment