Cabugao, Ilocos Sur – Nairugi idi
Enero 8, 2013 ti pannakalukat ti kalsada a mamagkakamang ti Sitio Lusong Suyo,
Sitio Callaguip iti abagatan ken tumpuar iti Karayan Cabugao ti amianan babaen
ti panangisayangkat ti Gobierno Probinsial iti panangilungalong ni Vice Gov.
Deogracias Victor B. Savellano kasta met iti LGU nga idauluan ni Mayor Edgardo
“Ediboy” S. Cobangbang, Jr.
Iti pannaki-amad ti Web In-Action
iti Enero 12, 2013, imbatad ni Brgy. Captain Ely S. Savella ti Barangay Baclig
a sapasap ti agnam-ay nangruna dagiti
agindeg iti asideg iti pannakalukat
daytoy a kalsada a panglintegan ken pagnaan no adda prosesion a maaramid iti Barangay.
Impeksa pay ni Kapitan Savella ken
ti Konseho-na agraman dagiti lumugar iti Barangay Baclig iti panagyamanda kadaytoy a
nayusuat a proyekto ta napatganen ti nabayagen a kalkalikaguman dagiti agindeg
kadagitoy a lugar.
No comments:
Post a Comment