Segun ken ni Mrs. Lydia S. Gazmen, Municipal Social Welfare Development Officer a nanayonan ti 14 a nataengan iti dati a 165 nga Old Beneficiaries ti pension. Immawat dagiti 165 ti pakabuklan ti P1,500 ti maysa iti pensionda iti last quarter ti 2012 (Oktubre-Disiembre) idinto ta P3,000 ti maysa kadagiti kabarbaro a benepisiario iti masakupan ti 2nd ken 3rd Quarter, 2012 (Hulio-Disiembre). P500 ti tunggal bulan ti kaibatogan ti pension nga awaten ti maysa a beneficiary.
Nakitaripnong ni Mayor Edgardo “Ediboy” S. Cobangbang, Jr. kadagiti nataengan ken taga-Munisipio a timmarabay iti daytoy nga aktibidad. Kinablaawan ni Mayor Ediboy dagiti nataengan ket impeksana iti kinapategda a kas makipagili iti pannakaipatungpal ti Social Pension Distribution nga inlatang ti Gobierno para kadakuada.
Dinakamat pay ti Ama ti Ili dagiti dadduma pay a programa ken proyekto nga ipapaay ti LGU iti asosasion ti Federated Senior Citizens a mainayon pay a pagimbagan ti sektor dagiti nataengan.
Nakikaysa met da Vice
Mayor Danny Q. Gazmen, SB Member
Benedict M. Savellano, ken OSCA Head Remigio B. Sunico iti panagtitipon dagiti
nataengan a benepisiario ti Social Pension nga ited ti DSWD. # (Web In-Action)
No comments:
Post a Comment