Cabugao, Ilcos Sur – Naangay ti miting dagiti
Personnel ti DA-LGU Cabugao nga idauluan ni OIC Nereo S. Daproza, AT iti Enero
16, 2013 iti mismo nga Opisina ti DA-LGU, Municipal Hall nga inatendaran ni SB
Member Benedicto M. Savellano, Committee Chair on Agriculture ket
napagsasaritaanda ti panagsaganada para iti launching ti Soil Fertility Mapping iti 33
a barangays ti ili tapno matulongan dagiti mannalon a mangusar kadagiti
maitutop ken kaadu ti ganagan iti mula
tapno maikaadu ti masapulan ni mannalon iti apitenna.
Daytoy ti kangrunaan a panggep daytoy a programa ti
Gobierno Munisipal nga idauluan ni Mayor Edgardo “Ediboy” S. Cobangbang, Jr.
Iti nadakamat a miting, manamnama a maangay ti
Briefing and Orientation of the Program inton Pebrero 4, 2013 kadagiti
mangipatungpal babaen kadagiti pannakabagi ti Bureau of Soils and Water
Management (BSWM) para iti pannakaipatungpal
ti trabaho ti soil fertility test iti 33 a barangay.
Indarirag ni SB Savellano a sakbay ti
pannakailunsad ti programa iti barangay ket maaramid ti Dry run iti kaasitgan a
barangay.
Naballigi a napagsasaritaan dagiti dadduma pay a
banag a mangbukel ti programa ken pannakaipatungpal daytoy babaen iti LGU ken BSWM iti ili ti Cabugao. #
(Web In-Action)
No comments:
Post a Comment