Nagatendar dagiti
kameng ti dua a recipient-FA’s: Bungro Farmers Association ken Pug-os Farmers
Association, Opisiales ti DA-RFU 1 , OPAG-Ilocos Sur, LGU-Cabugao, Philrice, DA-Ilocos Norte Provincial Center,
Farmer Leaders, Opisiales ti Barangay, lumugar ken pannakabagi ti nadumaduma nga asosasion ti
Brgy. Bungro a timmulong iti pannakaigannuat ti pasamak.
Iti 7:00-9:00 A.M.,
naaramid ti Field Tour ti Project Sites ti Barangay-based Farming Systems in
Rainfed Lowland Areas iti dua a barangay
ken iti Flatbed Dryer ken Solar Dryer (MPDP) a nagun-od ti Bungro FA a
naipasdek iti Brgy. Bungro.
Nabendisionan dagiti
pasilidades babaen ti panangikararag ni Pastor Jerry Santiago ken nagetteng ti
laso a mangipalnaad ti pannakaisibro dagiti postharvest facilities babaen ken
ni Mr. Cesar Escobar, pannakabagi ni OIC Regional Executive Director Valentino
C. Perdido iti DA-RFU 1 ken binayabay da Vice Mayor Danny Q. Gazmen a nangibagi
ken ni Mayor Edgardo S. Cobangbang, Jr. agraman da SB Member Benedict M.
Savellano ken SB Member Carlos V. Sison ken inimatangan dagiti naitaripnong iti nasao a turnover
ceremonies. Binagi met ni Vice Mayor Danny Q. Gazmen a ginetteng ti laso iti pannakaisibro ti Multipurpose Drying Pavement nga
adda iti asideg ti Flatbed Dryer. Naibasa ken naiyawat ken ni Mr. Edy L. Sevilleja, Presidente ti Bungro FA iti pakakitaan ti panagtagikua ti asosasion kadagiti postharvest facilities ken in-award ni Mr. Cesar Escobar ti DA-RFU 1.
Naisaganad ti programa
iti Barangay Chapel. Indauluan ni Mrs. Ester Aguimbag, AT-DA LGU iti Opening
Prayer ken National Anthem iti DA-INC Staff.
Iti Welcome Remarks, bininsa ni SB Member
Benedict M. Savellano, Committee Chair in Agriculture ti napintas a
panagkammayet iti DA ken ti LGU nga idauluan ni Mayor Ediboy iti
pannakaigannuat dagitoy a pagimbagan dagiti mannalon. Pinagyamanan manen ti
Konsehal dagitoy a proyekto nga ited ti DA ket agtultuloy a sisusuporta ti
Gobierno Munisipal iti liderato ti Alkalde Munisipal iti panangtarabayda kadagiti mannalon ken Sektor-Agrikultura iti
Munisipalidad a mangpasayaat ti kasasaad
dagiti umili ken pakaital-oan met ti ekonomia ti ili.
Naregget met ni OIC
Nereo Somera Daproza ti DA-LGU a nangbigbig ti naballigi nga aktibidades ken kinablaawan ken dinakamat ken
kinablaawanna amin dagiti Field Day
Participants.
Binagi met a bininsa
ni Mr. Edwin Joseph A. Franco, Site Implementer iti proyekto ti “Rice-Based Farming Systems in Rainfed
Lowland Areas” ti Brgy. Bungro ken Pug-os.
Nagipresentar a
nagsaruno da Mr. Edy L. Sevilleja,
President, Bungro FA ken Mr. Elmer G. Bromeo, President, Pug-os FA kadagiti
pangrugian a resulta ti proyektoda.
Panangdayaw iti
napintas a pannakibinnulig ken
panangipatungpal ti LGU ken dagiti asosasion kadagiti programa ken proyekto ti DA a tumulong kadagiti mannalon ti kangrunaan a kaipapanan ti panagsarita da
Mr. Cesar Escobar ti DA-RFU 1 ken Mr. Ernesto Butacion ti OPAG-Ilocos Sur kas
panagsaganadda.
Panagyaman ken panangikumit
iti naan-anay ken agtultuloy a
panangtarabay ti Gobierno Munisipal babaen ti liderato ni Mayor Ediboy kadagiti
programa ken proyekto ti DA a mait-ited kadagiti mannalon ti bugas ti panagsarita ni Vice Mayor Danny
Q. Gazmen iti panagleppas ti programa.
Napnuan ragsak ken
panagtitimpuyog a napagsasanguan ti naisagana a pangngaldaw kadagiti amin a
naitabuno.
Kalpasanna, naituloy
ti panagsasarita ket imburay ni Dr.
Castro ti sinaguday dagiti programa ti Philrice nga itakderanna maipapan
iti water savings device a posible a mangtulong ti pakarikutan ti pagpadanum dagiti
mangipatungpal kadagitoy a proyekto.
Napasamak ti Open
Forum, pannakaited ti impressions
(Guests ken Cooperators). Closing Remarks ni Brgy. Captain Fermin Sarinas ti
Brgy. Bungro. Nagpaay nga Emcee ni Mrs. Joenah G. Sevilleja, AT-DA LGU. # (Web
In-Action)
No comments:
Post a Comment