Cabugao, Ilocos Sur –
Maus-usatanen ti maipatakder a Trading
Post (Bagsakan) ti nateng kadagiti agibibiahe ken agilaklako a Taga-Cabugao,
Ilocos Sur a mapan iti sabali a lugar.
Iti pannaki-amad ti
Web In-Action idi Enero 2, 2012, imbatad dagiti agibibiahe a Komersiante ti
Nateng iti Barangay Salapasap ken kanatengan a kabangibang a barangay a nangrugi idi bulan ti Nobiembre agingga iti
bulan ti Mayo ti panaginaldaw a panagkomprada ti nateng nangruna iti sili
(Jango), taban (bola), tarong ken dadduma pay ti klasena a mailako idiay
Urdaneta ken Balintawak.
Malaksid a makaparnuay
ti pagtrabahuan dagiti lumugar ti panagestimaran ti nateng, kumita met dagiti nagaget a komprador
nangruna dagiti mapan mangidanon kadagiti nateng idiay sabali a lugar.
Imbatadda a piso ti
plete ti maysa a kilo ket prumespresyo met ti P6-7 kada kilo manipud iti
paggapuanna ken malakoda met iti P10 kada kilo idiay pangidanonanda.
Mangnamnama dagiti
vegetable growers/traders a babaen ti naan-anay a suporta ti Gobierno Munisipal nga idauluan
ni Mayor Edgardo “Ediboy” S. Cobangbang, Jr. ken ti liderato ni Kagawad Armando
Azcueta iti Cabugao Vegetable Growers and Producers Association, Inc., ket
maikkanda ti napintas a pagplastaran ken maaddaanda iti natibker nga asosasion
a sarikedkedda nga agdur-as iti sektorda. # (Web Situational Report)
No comments:
Post a Comment