Daytoy a taripnong ket
dinar-ayan dagiti Farmer-Leaders, Local Officials ti tunggal ili, Opisiales ken
empleado ti National Tobacco Administration (NTA) nga idauluan ni NTA
Administrator Edgardo D. Zaragoza, CPA,
MBA.
Sakbay ti panagsasarita,
naluktan babaen iti Opening Prayer ni Ms. Noralyn I. Idica, Area Supervisor ti
Sinait ken naisaruno ti pannakakanta ti Philippine National Anthem babaen ti
panangidaulo ni Ms. Wilma E. Tisbe, TPRO 1, Cabugao Area
Office.
Nangipay ni Mayor Edgardo
“Ediboy” S. Cobangbang, Jr. iti pammasangbay a panagsarita ket kinablaawan ken
pinagyamananna iti amin a nakipartisipar kadaytoy a konsultasion ken dialogo.
Bininsa ti Ama ti Ili ti pateg iti
panangisakit ti amin iti industria ti
tabako gapu iti dakkel a maitulongna kadagiti umili babaen iti pundo ti RA 7171.
Dinakamat pay ni Mayor
Ediboy iti isusuporta ti LGU kadagiti programa ti NTA para kadagiti mannalon partikular ti Machinery Program a ditoy ket kayatna a maipada iti ar-aramiden
ti Gobierno Munisipal ti Cabugao a timmulong a nangigannuat iti Counterparting Scheme kadagiti nagun-oden
dagiti mannalon a makinaria manipud iti DA.
Naisaganad ti Overview
of the Consultation Dialogue babaen ken ni Dr. Roberto R. Bonoan, Tech.
Coordinator for Branch Offices.
Dinayaw ni NTA
Administrator Edgardo D. Zaragoza, CPA, MBA, iti panangikumit ni Mayor Ediboy iti
panangtarabayna kadagiti mannalon ti tabako agraman iti pannakairamanda nga
agsagrap kadagiti programa ken proyekto ti NTA a mangpasayaat pay ti kasasaad
dagiti agmulmula ti tabako a kailianna.
Trinatar pay ti NTA Administrator iti epekto ti naaprobaran
a Sin Tax Law ti National Government a
mabalin a makaapekto iti konsumo ti produkto ti sigarilio. Ngem
inlawlawagna a kitkitaen ti Ahensia nga idauluanna iti pagsaysayaatan dagiti
tobacco farmers a saanda a maapektaran no di ket mapasayaat pay ti kasasaadda babaen iti direkta a pannakinaming dagiti
Kompania ti sigarilio kadagiti mannalon kasta pay iti aspeto ti marketing, pannakaipatungpal dagiti programa ti NTA ken
pannakikammayetda kadagiti LGU’s a makasakup kadagiti tobacco farmers. Innayon
ni Administrator Zaragoza a mainayon pay a kitaen ti opisinana ti pannakatulong
dagiti mannalon babaen iti pannakaadda ti supisiente nga irigasion dagiti mannalon
tapno maipanamnama ti nakalidad a produktoda a bulong ti tabako.
Nangipaay met ti
pamanunotan dagiti delegado ti nadumaduma nga ili pakaseknan ti pannakatarabay
dagiti mannalon ti tabako nangruna iti merkado ken pananggun-odda kadagiti
maipaay a programa ti NTA. Nataming a naan-anay dagiti timmaud a pakaseknan
babaen ti panangpasingked ni Administrator Zaragoza iti pannakaaksionda.
Impaay ni Mr. Faustino O. Taal, OIC, NTA Vigan Branch
ti Closing Remarks.
Nagpaay met nga Emcee da Ms. Noralyn I. Idica ken Mr. Tomasito
G. Taloza. # (Web In-Action)
No comments:
Post a Comment