Cabugao, Ilocos Sur – Nasangaili ti Farmers Field School-Brgy. Pug-os dagiti pannakabagi ti IPM Rice-Vegetable Cropping Systems in Garlic Production manipud iti Philrice, City of Munoz, Nueva Ecija nga indauluan ni Ms. Salvacion E. Santiago, Opisial ti nasao nga Ahensia iti panagsesion dagiti FFS-Learners idi Enero 24, 2013 iti Barangay Pug-os, Cabugao, Ilocos Sur.
Naaramid ti lektiur
maipapan iti ad-adalenda a panagpatanor ti nakalidad a bawang a makamenos
gastos ti mannalon kas nayon ti adalda
babaen kadagiti Staff ti Philrice. Timmarabay met ni Mrs. Remedios P. Inovejas,
pannakabagi ti OPAG-Ilocos Sur.
Iti pannaki-amad ti
Web In-Action iti Enero 24, 2013, imbatad ni Mrs. Salvacion E. Santiago, Philrice
Officer a napintas ti pannakipartnerda kadagiti programada ditoy Cabugao
agsipud ta suportado ti LGU nga idauluan ni Mayor Edgardo “Ediboy” S.
Cobangbang, Jr. kadagiti proyekto a pang-agrikultura kadagiti mannalon.
Dagiti kakadua ni Ms.
Santiago ket isuda: Jun M. Ramos, Marlon M. Luciano, Juanito S. Ylarde, Jr.,
Madilyn T. Salmo ken Jonalyn L. Timbol a tinarabay met da Mrs. Marjorie
Castillo ken Ms. Arcelie Serrano, agpada a taga-DA LGU-Cabugao.
Manamnama ti
panagleppas ti adal dagiti FFS-Learners ket manaynayonan ti kaammuanda babaen
kadagiti maigannuat nga enrichment activities kas iti Cross-visit/Field Trip-da
idiay Pasuquin, Ilocos Norte a naaramid itay nabiit. # (Web In-Action)
No comments:
Post a Comment