REGULAR MEETING TI FEDERATED FARMERS, NAANGAY

Cabugao, Ilocos Sur – Naangay ti umuna a  Regular Monthly Meeting ti Cabugao Farmers Federated iti Tawen 2013  idi Enero 8, 2013 iti Municipal Conference Hall, Cabugao, Ilocos Sur nga idauluan ni President Elmer Guerrero Bromeo.

Dagiti napagnanamingan:

1. Sapasap ti  pannakipagtrabaho dagiti asosasion iti pannakailako ti tiket ti Bingo a maangay inton Enero 19, 2013. Napagnanamingan pay ti dadduma a wagas iti pannakaigannuat ti Income Generating Activities/Project ti asosasion tapno adda madadaan nga usarenna para iti pannakaital-o ti kasasaad ti Pederasion iti amin nga aspeto. 
2.  Maisubmiter inton Enero 15, 2013 dagiti Year-end Accomplishment Report iti CY 2012 iti tunggal asosasion tapno matingiting iti nakagtenganda  ken pagbasaran iti panagplano ken panagaramidda  ti estratehia iti panagdur-as pay para iti masanguanan   daytoy Tawen 2013

Nakigamulo  met dagiti pannakabagi ti DA-LGU iti nagapuananda partikular ti kasasaad iti nakaimulaan dagiti naited ti DA a bukel ti mais.

Natratar a sibaballigi ti amin a naidasar a napagsasaritaan ket mangnamnama ti panaglayag ti Pederasion a napintas ti turongenna ita a tawen. # (Web In-Action)